Kristján Möller situr í stjórn Vaðlaheiðaganga

Í Vefþjóðviljanum, því ágæta málgagni, stendur:

Alþingi samþykkti í síðustu viku lög sem heimila fjármálaráðherra að „undirrita lánasamning við Vaðlaheiðargöng hf. um lán til gangaframkvæmda fyrir allt að 8.700 milljónir króna, miðað við verðlag í lok árs 2011.“

Þingmaður og stjórnarmaður. Kristján Möller alþingismaður greiddi atkvæði með fjárgreiðslu til einkahlutafélags þar sem hann situr í stjórn.

Vaðlaheiðargöng ehf. eru ekki ríkisstofnun heldur einkahlutafélag, sem er í tæplega helmingseigu einkaaðila.

Meðal stjórnarmanna í einkahlutafélaginu er Kristján Möller.

Meðal þeirra þingmanna, sem greiddu atkvæði með lögunum sem heimila um níu milljarða lánsgreiðslu til einkahlutafélagsins, er Kristján Möller.

Aðeins ein regla gildir um vanhæfi alþingismanna. Hún er í 71. grein laga um þingsköp alþingis þar sem segir skýrt: „Enginn þingmaður má greiða atkvæði með fjárveitingu til sjálfs sín.“

Kristján Möller alþingismaður greiddi atkvæði með geysilegri fjárgreiðslu, í formi láns, til einkahlutafélags þar sem Kristján Möller situr í stjórn.

Það er ekki það sama og greiða atkvæði með fjárveitingu „til sjálfs sín“, en það er ekki langt frá því. Má þingmaður, sem ekki má greiða atkvæði með fjárveitingu til sjálfs sín, greiða atkvæði með fjárgreiðslu til einkahlutafélags þar sem hann situr í stjórn? 

Ætli íslenskir fjölmiðlar hafi áhuga á að fjalla um hvort þetta sé eðlilegt? 

Þá byrja þeir kannski á að tala við Ríkisendurskoðun. Spyrja eftir Sveini Arasyni. 

Hvað skyldi fréttastofa Ríkisútvarpsins hafa gert ef svo ólíklega hefði viljað til að þingmaður hægri stjórnar væri í sporum Kristjáns Möllers. Þá væru fréttamennirnir áreiðanlega fullir vandlætingar og allar fréttir og fréttatengdir þættir undirlagðir málinu.

Athugasemdir

[Þórhallur Birgir Jósepsson, 18.6.2012 kl. 11:01]

KLM sagði í viðtali á Rás 2 í vikunni leið að þegar honum varð ljóst að hann mundi þurfa að greiða atkvæði um málið á Alþingi, hafi hann sagt sig úr stjórninni.

[H.T. Bjarnason (IP-tala skráð) 18.6.2012 kl. 11:50]

Stundum er gott að hafa staðreyndir á hreinu.  Kristján sagði sig úr stjórn Vaðlaheiðagangna. 

[S i g u r ð u r S i g u r ð a r s o n, 18.6.2012 kl. 11:56]

Vel má vera að hann hafi sagt sig úr stjórn Vaðlaheiðaganga ehf. Það er hins vegar ekki aðalatriðið.

Eftirfarandi skiptir öllu: Hann sat í stjórn Vaðlaheiðaganga, sagði sig úr henni á meðan hann sótti fjármagn fyrir félagið í ríkissjóð.

Er þetta siðferðilega réttlætanlegt á tímum er við gerum enn meiri kröfur til þingmanna en fyrir hrun?

[Anna Benkovic Mikaelsdóttir, 18.6.2012 kl. 21:12]

Sammála Sigurði Sig. enda blasir við að það eru tengsl, sem eru og voru gjörsamlega óviðeigandi og "siðlaus". Allavega ef við miðum við danska þáttinn "Borgen" sem á íslensku heitir Höllin. Þar átti eiginmaður forsætisráðherra gömul hlutabréf (ekki hún sjálf, eins og í tilfelli Kristjáns) og hún bað hann um að selja þau ÁÐUR en stjórnin samþykkti eitthvað...

Forsætisráðherrann-frúin sjálf hafði enga hagsmuna að gæta, en um leið og fjallað var um fyrirtækið á danska þinginu, þá varð eiginmaðurinn að selja gömul bréf, sem fylgðu alls ekki baráttu eiginkonunnar!

Hér á Íslandi selur ráðherran sjálfur norðlenski bréfin eftir að hafa komið málinu í gegn (eftir árabaráttu sjálfur!) með stuðningi flokksmanna sinna , til að geta "greitt atkvæði" á okkar þjóðþingi?

Skil þetta ekki lengur hér á Íslandi, nema að bera sig við Afríku, ekki Norðurlönd, í stjórnun og lýðræði!