Besti flokkurinn lifir á borgarstyrknum

Athygli vekur að Besti flokkurinn er nær algjörlega án baklands. Hann lifir á styrk frá Reykjavíkurborg þar sem hann heldur um stjórnartaumanna. Meðan aðrir flokkar sækja tekjur að stórum hluta til félaga sinna eru slíkar tekjur aðeins rúm milljón króna hjá Besta.

Hvað segir þessi staðreynd okkur? Jú, flokkurinn er aðeins örfáir félagsmenn, þeir sem starfa fyrir hann í borgarmálunum og nokkrir vinir og aðstandendur. Þetta er allt of sumt. Ekkert bakland, einangrað lið sem hvorki sækir upplýsingar til almennings né miðlar þeim. 

Misjöfn afkoma stjórnmálaflokka

Athugasemdir

[Sigurður Hrellir, 1.12.2011 kl. 13:40]

Sæll nafni. Sumir myndu nú sjá þetta með öðrum augum og telja að Besti flokkurinn skuldaði lítið sem ekkert vegna styrkja og fjárframlaga. Hvað félagsgjöld varðar þá held ég að Besti hafi enga félagaskrá og hafi þ.a.l. engar tekjur af félagsgjöldum. Segir það eitthvað um baklandið? Nei, ekki endilega.

Það er auðvitað tómt mál að tala um að þetta sé "einangrað lið sem hvorki sækir upplýsingar til almennings né miðlar þeim". Hvað er þá vefurinn betrireykjavik.is?

Eins og þú veist er Besti flokkurinn ekki "venjulegur" stjórnmálaflokkur og líklega er það ástæða þess að svo margir kusu hann.

[Sigurður Hrellir, 1.12.2011 kl. 13:42]

Þegar ég tala um að Besti flokkurinn "skuldaði lítið" á ég auðvitað við í formi fyrirgreiðslu eða greiða.