Verður ný stjórn leiðitamari fjármálaráðherra?

Afskipti ríkisstjórnarinnar af málefnum Bankasýslu ríkisins eru þess eðlis að stjórn hennar hefur sagt af sér. Fjármálaráðherrann segir nú að reynt verði að „leysa málin þannig að þau valdi sem minnstri truflun á starfsemi stofnunarinnar“, eins og fram kemur í frétt mbl.is.

Stefna fjármálaráðherra er einfaldlega sú að stjórn Banaksýslu ríkisins eigi að vera sjálfstæð í störfum sínum svo fremi sem ráðherra sé samþykkur.

Stefna fjármálaráðherra er að una afsögn stjórnar Bankasýslunnar og ógilda svo ráðningu hennar á forstjóra.

Fjármálaráðherra þykir miður að stjórn Bankasýslunnar skuli hafa sagt af sér. Nú þarf hann að ganga í það óþægilega verkefni að skipa nýja stjórn. Er hugsanlegt að ný stjórn verði honum leiðitamari en sú fyrri? Spyr sá sem ekki veit.  

Harmar afsögn stjórnarinnar

Athugasemdir

[Kolbrún Hilmars, 24.10.2011 kl. 18:56]

Þetta fyrirbæri er kallað "Hobson´s Choice" uppá ensku.

Sem í íslenskri þýðingu útleggst sem svo: "Þú mátt fá hvaða hest sem er úr hesthúsinu mínu svo framarlega sem það sé sá sem er næstur dyrunum".

[Landfari, 24.10.2011 kl. 19:50]

Þó ég geti alveg verið sammála því að Páll hafi ekki verið heppilegur í starfið vegna fyrri aðkomu að sölu bankanna þá fæ ég ekki séð hvernig hægt var að kalla þetta pólíska ráðningu.

Hitt er morgunljóst Steingrímur er ekki með nein póltísk afskipti af bankasýslunni svo fremi hún geri allt eins og hann vill.

Kolbrún er með nafn á þessu hér að ofan sem ég hef ekki heyrt áður en passar vel.