Þjóðin krefst kosninga

Ég hef enga trú á öðru en að forystumenn Sjálfstæðisflokksins á þingi vilji kosningar. Raunar er það krafa þorra almennings. Samkvæmt skoðanakönnunum nýtur ríkisstjórnin aðeins um 30% fylgis og ástæðan er eingöngu sú að það er ekkert að gerast, gengur ekkert undan henni.

 

1. Atvinnulífið hefur hrunið, fyrirtæki komin í eigu ríkisins og berjast á markaði gegn þeim sem enn eru ekki komin á hausinn.
2. Atvinnleysið geigvænlega alvarlegt og ekkert gerist nema að fólk flýr land
3. Óöld innan ríkisstjórnarinn, hver höndin uppi á móti annarri í Icesave, ESB, stjórnlagaráði og fleirum.
4. Ríkisstjórnin tapar tveimur þjóðaratkvæðagreiðslum og svo löt er hún að ráðherrar berjast ekki fyrir þeim lögum sem þjóðin kaus um.
5. Skuldavandi heimilanna hefur enn ekki verið leystur heldur ýtt út af borðinu
6. Ríkisstjórnin berst hatrammri baráttu gegn dómsvaldinu

Í raun er gagnslaust að leggja fram vantraust á ríkisstjórnina. Hún mun standa það af sér enda vön orðin kattasmölun. Hún stendur engu að síður frammi fyrir þeirri staðreynd að þjóðin hefur tekið undir varnaðarorð Davíðs Oddssona sem sagði að þjóðin ætti ekki að greiða skuldir óreiðumanna. 

 

Þora ekki í kosningar

Athugasemdir

[el-Toro, 10.4.2011 kl. 19:32]

ekki það að ég sé ánægður með störf ríkisstjórnarinnar, en þá skil ég ekki þetta fjölmiðlafár um að þessar kosningar sýni vantraust á stjórnina.  það eru fullt af öðrum málum sem fólk er ósátt við í sambandi við stjórnina.

fyrir mér er þetta kosning um icesave....ekki um allar þær skattahækkanir stjórnvalda sem lama allt atvinnulífið og fjármögnun fyrirtækja. 

[Ívar Pálsson, 10.4.2011 kl. 19:33]

Já, Sigurður, kosningar skýra línurnar. Raunar ætti að byrja á tillögu um að draga ESB- umsóknina til baka. Þá verða prófkjör flokkanna auðveldari, því að þorri fólksins vill kála þessu ESB-máli, en þingmenn heykjast enn á því. Þegar við erum laus við þennan ESB- Icesave- þvæling síðustu ára þá getur sjálfstætt fólk loksins farið að hugsa skýrt um stefnuna fram á við.

[Ívar Pálsson, 10.4.2011 kl. 19:35]

Ein sönnun fyrir því að þetta var kosning gegn ríkisstjórninni var útkoman á Suðurlandi. Fjandsamleg atvinnustefna ríkisstjórnarinnar gegn því landssvæði skilaði sér í afgerandi höfnun.

[S i g u r ð u r S i g u r ð a r s o n, 10.4.2011 kl. 19:46]

Eins og oftast er ég fyllilega sammála þér, Ívar. Mestu skiptir að draga þessa ESB umsókn til baka. Hins vegar verður það sjálfgert þegar kemur að landbúnaðarmálum og sjávarútvegsmálunum.

Það skiptir miklu varðandi þessar kosningar að ríkisstjórnin og raunar þingið, var gert afturreka með Icesave lögin. Þess vegna þurfum við nýjar kosningar, velja nýtt fólk á þing, fólk sem getur unnið fyrir þjóðina. Það gengur auðvitað ekki lengur að ríkisstjórnin fái að brúka gamaldags kreddupólitík í skattamálum sem engu skilar nema samdrætti.