Fjölmiðlamenn auglýsa þjóðhátíð

Eyjamenn eru vænir og góðir. Næstum því eins og Íslendingar en snöggtum skárri en Færeyingar og Jótar. Þess vegna halda þeir þjóðhátið sem nýtur vinsælda á Íslandi.

Nú eru allir í sumarfríi nema sumarafleysingarmenn á fjölmiðlunum. Þeir sjá um að auglýsa þjóðhátíð í Eyjum enda langar þá ekki til Akureyrar, Borgarfjarðar eystri, Neskaupsstaðar, Ísafjarðar, Stykkishólms, Borgarness ... Þar eru bara litlar hátíðir sem ekki tekur því að minnast á þó svo að þær séu á Íslandi. Þjóðhatíð í Eyjum er staðurinn nema einhver leysi vind á Akureyri.

Herjólfur siglir milli lands og Eyja. Hann strandaði í nótt vegna sjávarfalla. Þannig er hafið utan við Vestmannaeyjar. Fylgja meiraðsegja ekki viðteknum venjum og tímasetningum um flóð og fjöru. Svoleiðis gerist ekki í Breiðafirði. Þar er bara hann Baldur sem siglir milli Stykkishólms og Brjánslækjar. Tveggja fallegustu staða á Íslandi. Heimaey er samt fallegasti staður í Evrópu.

Í Stykkishólmi eru ekki fulltrúar síðdegisútvarps RÚV glaðvakandi að taka viðtöl við bjórdrykkjufólk, ekki heldur á Brjánslæk, né á Akureyris, Borgarnesisi, Neskaupsstöðumi eða í mýrardrullunni á Ísaskutulsfirði.

Ástæðan er einfaldlega sú að það er skemmtilegra í útlöndum en á Íslandi. 

 

Búist við 16.000 á þjóðhátíð

Athugasemdir

[Ingibjörg Guðrún Magnúsdóttir, 30.7.2010 kl. 19:38]

Sæll Sigurður, það er vonandi að fall sé fara heill með Herjólf.. Það er oft talað um svo ef ílla fer í byrjun. Ég segi að það verði slegið met í fjölda gesta til Vesmannaeyjar og spái í kringum allt að 25000 manns þar á Sunnudag... Kannski á hver staður sína paradís en ekki allra að finna hana...

[S i g u r ð u r S i g u r ð a r s o n, 30.7.2010 kl. 20:52]

Allt í gammni ... samt held ég Eyjamenn verði ekkert hamingjusamir með of marga gesti.

[Ásthildur Cesil Þórðardóttir, 30.7.2010 kl. 21:26]

Sammála þér Sigurður, það var ekki minnst á að hér á Ísafirði fer fram heimsmeistaramót í Mýrarbolta.  Það hefði nú þótt frétt ef það hefði verið í Reykjavík eða Akureyri.  En málið er að fjölmiðlafólk gerir ískyggilega mikið upp á milli byggðalaga.  Alveg eins og með góða veðrið.  Ef sól kemur fram úr skýjum á Akureyri eða austfjörðum fer allt af stað.  Það hefur ekki verið minnst á blíðuna sem hefur ríkt á Ísafirði síðan í maí.  Það þarf ekki að tíunda það sem kemur gott frá landsbyggðinni nema fáum útvöldum svæðum.  Wonder Why?