Landsbyggðarskattur

Vegtollar inn og út af höfuðborgarsvæðinu eru ranglátir. Þeir beinast t.d. gegn landsbyggðarfólki sem leita þarf til höfuðborgarinnar. Vegtollar munu virka letjandi á ferðir íbúa höfuðborgarsvæðisin á landsbyggðina.

Sem sagt skattur á ferðir inn og út af höfuðborgarsvæðinu. Hvers vegna má þá ekki setja gjald á umferðina fyrst flestir greiða? Einfaldlega vegna þess að sumir eru nauðbeygðir að nota vegi, t.d. til að sækja sér þá þjónustu sem stjórnvöld bjóða aðeins upp á í Reykjavík. Aðrir hafa um það val hvort þeir fari yfirleitt út á landsbyggðina. 

Auðvitað er vegtollur ekkert annað en skattur. Og fyrir þá sem ekki vita þá er þegar lagður skattur á eldsneytisnotkun bifreiðaeigenda. Hins vegar eru skatttekjurnar notaðar í ýmislegt annað en vegagerð. Væri ekki nær að hætta að brúka þessar tekjur í annað en það sem kemur að vegamálum?

 

Alfarið á móti vegtollum

Athugasemdir

[Kristján Hilmarsson, 6.4.2010 kl. 15:44]

 

Þetta gæti dregið úr "óþarfa" umferð smátíma, en tölur erlendis frá sýna að það tekur sig ótrúlega upp aftur, en að halda að svona gjald lendi bara á þeim sem eiga og eru í bílnum hverju sinni, er ekki rétt, þetta og öll önnur gjöld velta fyrr eða seinna út í þjófélagið í auknum kostnaði, launahækkunum og fyrir rest skattahækkunum og verðbólgu, en að gera svona án þess að fólki sé gefinn valkostur, eins og þú nefnir réttilega, er út í hött, og dettur mér þá í hug betra almannavagnatilboð t.d.

Og eins og þú nefnir í lokin "Væri ekki nær að hætta að brúka þessar tekjur í annað en það sem kemur að vegamálum?" þá væri það örugglega hægt, en gerist ekki, segjum t.d. að þessir peningar hafi verið notaðir í heilsugæslina, skóla eða eitthvað álíka hvað þá, spítalatollhlið? skólatollhlið? það eru ýmsar leiðir við að fjármagna stór samgönguverkefni ég var með nokkrar "bloggpælingar" um það hér í gær:http://keh.blog.is/blog/keh/entry/1038534/

Góðar Stundir :)

[S i g u r ð u r S i g u r ð a r s o n, 6.4.2010 kl. 15:54]

Þetta er góð athugasemd, skynsamlega talað. Hins vegar er aðal vandamálið auknar álögur á landsmenn sem ekki er ásættanlegt.

Á móti kemur að hugsanlega er hægt að skattleggja viðbótarlífeyrissparnað landsmanna um leið og hann er lagður inn í stað þess að gera það þegar hann er tekinn út. Þanni er líklegt að ríkissjóður gæti fengið strax allt upp undir 60 milljarða króna á ári.

Í ljósi þess að þessi fjárhæð verði skattlögð fyrr eða síðar þá myndi ég sætta mig við að það verði gert núna en hætt verði við leikinn með veggjöldin og jafnvel annað.

[Kristján Hilmarsson, 6.4.2010 kl. 16:18]

Einmitt Sigurður, en er hræddur um að "gulrótin" sem skattfrjáls viðbótarlífeyrissjóður býr við í dag, myndi kannski draga úr slíkum sparnaði,ef hann yrði fjarlægður, en það eru og verða auðvitað bara ágiskanir, hugmyndi svo góð að hún verður örugglega ekki notuð :(

Svo er möguleikinn að einkavæða tímabundið vissa vegspotta, tollurinn yrði samt sem áður, en reksturinn hagkvæmari og þar með lægra gjald.