Gríðarleg landkynning ef af verður

Varla er það ofsagt að Top Gear er með skemmtilegustu þáttum í sjónvarpi. Bæði er að stjórnendur taka sig mátulega alvarlega og þeir eru að auki miklir húmoristar. Og klippingar og framsetning þáttarins gerir hann mjög líklega enn betri.

Þátturinn um ökuferðina á segulpólinn var frábær rétt eins og allir aðrir. Man einnig eftir þætti um ökuferð frá Saigon (eða Ho Chi Minh borg) í Vietnam og norður til Hanoi. Allt í einu fékk maður það á tilfinninguna að Vietnam væri mjög svo áhugavert land að heimsækja, einstakt landslag, mikill gróður og yndislegt fólk.

Þannig verður það áreiðanlega með þáttinn um eldgosið á Fimmvörðuhálsi, hann mun vekja athygli milljóna áhorfenda Top Gear og fá fjölmarga þeirra til að leggja leið sína til íslands. 

Top Gear hyggst skoða eldgosið

Athugasemdir

[Birgir Þór Bragason, 5.4.2010 kl. 14:42]

http://biggibraga.blog.is/users/28/biggibraga/files/Gamalt/motorworld_1995_6920.mp4

[Birgir Þór Bragason, 5.4.2010 kl. 14:44]

Clarkson kom hingað 1994 og hér er útkoman

[Grefillinn Sjálfur - Koma svo! (IP-tala skráð) 5.4.2010 kl. 14:54]

Þeir þættir sem ég hef séð hafa verið afar góðir ... sérstaklega fannst mér gaman að þætti einum þar sem þeir voru að leita að "skemmtilegasta" vegakaflanum í Evrópu. Þeir fundu hann svo í Ölpunum og óku hann, hver á sínum sportbílnum. Man ekki nákvæmlega hvaða vegarkafli þetta var, en hann reyndist sannarlega stórkostlegur og síðan hefur mig langað að aka hann sjálfur - einn góðan veðurdag.

[Sævar Helgason, 5.4.2010 kl. 15:04]

Þetta eldgos á Fimmvörðuhálsi er að verða okkur drjúg auðlind. Frábært.

Og takk fyrir alla pistlana um gosið þarna,Sigurður.

[S i g u r ð u r S i g u r ð a r s o n, 5.4.2010 kl. 15:24]

Já, ég man eftir þessum þætti um vegarkaflann í Ölpunum. Fannst líka gaman af honum.

Takk fyrir Sævar, ánægjulegt að fá svona komment frá þér.

[Ásdís Sigurðardóttir, 5.4.2010 kl. 17:13]

Magnaðir þættir, það segirðu satt, væri til í að fá þá hingað í þáttagerð.

[Jón Snæbjörnsson, 5.4.2010 kl. 17:27]

þeir hafa metnaðinn sem og kunna þetta báðir tveir þe Arctic Trucks og Top Gear

[Hamarinn, 5.4.2010 kl. 19:30]

Hvernig stendur á því, að fólk heldur alltaf að það sé GRÍÐARLEG landkynning ef það er einhversstaðar minnst á Ísland eða sýnt myndbrot héðan. Þetta mun ekki hafa mikil áhrif.