Herkænska skötuhjúanna

Hárrétt herkænska hjá þeim skötuhjúum, Jóhönnu og Steingrími, að hafna allri málamiðlun og fyrirvörum. Þannig tala þeir aðeins sem valdið hafa og valdið er vissulega þeirra.

Ríkisstjórnin hefur veðjað á þennan Icesave samningnum. Það væri pólitískt glapræði að viðurkenna nokkurn vankanta á honum. Og nákvæmlega eins og með þingsályktunartillöguna um aðildarumsókn í ESB þá verður Icesave samningurinn samþykktur. Ríkisstjórn sem ekki hefur stjórn á þingmönnum sínum er gagnslaus og vilji svo ólíklega til að samningurinn verði felldur þá er stjórnin sprungin.

Það vekur þó athygli hve fjölmiðlar ræða lítið um einstaka stjórnarþingmenn og hálfstjrónarþingmenn, þá sem mest göspruðu fyrir kosningar og náðu kosningu í prófkjörum fyrir andstöðu sína og málflutning. Nú þegja þessir þingmenn þunnu hljóði eða snúa sig niður úr snörunni með klækjum. Jafnvel ráðherra viðskiptamála er orðinn mesti kerfiskarlinn af þeim öllum.

Ég spái stjórnarslitum og þjóðstjórn. Oft er þörf nú er nauðsyn. Þetta gengur ekki svona miklu lengur. 

Hvorki fyrirvarar né frestun

Athugasemdir

[Friðrik Hansen Guðmundsson, 22.7.2009 kl. 21:45]

Sæll

Springi stjórnin sem er miklu líklegra nú en þegar ESB málið var til umfjöllunar þá spái ég utanþingsstjórn og kosningum eftir tvö ár frekar en þjóðstjórn.

Ég held Forsetann langi mjög að setja meira svip sinn á þetta samfélag og stimpla Forsetaembættið endanlega inn sem valdamesta embætti landsins. Það væri sannanlega í samræmi við valdsvið Forseta skv. stjórnarskrá.

Utanþingsstjórn færustu sérfræðinga í tvö ár og kosningar í maí 2011, ég spái því falli stjórnin á næstu vikum.

[Páll Blöndal, 23.7.2009 kl. 01:06]

Ofdekraðir ESB andstæðingar á moggablogginu
http://pallblondal.blog.is/blog/pallblondal/entry/918743/