Enn ein skýrslan frá Samfylkingunni

Formaður Samfylkingarinnar þarf að svara nokkrum spurningum undanbragðalaust:

 

• Verða skattar hækkkaðir eins og Vinstri grænir hafa hótað?
• Verða laun lækkuð eins og Vinstri grænir hafa hótað?
• Vill Samfylkingin leggja inn aðildarumsókn í ESB þrátt fyrir andstöðu VG?
• Hvernig ætlar Samfylkingin að taka á 18.000 manna atvinnuleysi?
• Stýrivextir eru 15,5% og ekki útlit fyrir frekari lækkun, hvað ætlar Samfylkingin að gera?

Eins gott að svör við þessu fáist fyrir kosningar. Samfylkingin er þekkt fyrir skýrslur og stefnumörkun sem hún fer ekkert eftir. Dæmi um slíkt er „Fagra Ísland“ sem flokkurinn veifar á tyllidögum en er ekki nema orðin tóm að öðru leyti.

 

Húsfyllir á fundi Samfylkingar

Athugasemdir

[Guðjón Atlason (IP-tala skráð) 16.4.2009 kl. 09:39]

Aðalmálið er náttlega að S ætlar ekkert að gera fyrir fjölskyldurnar.. heimilin brenna og ekkert á að koma til móts við þau. Kjósum Borgarahreyfinguna eða Framsókn.

[Haraldur Hansson, 16.4.2009 kl. 09:43]

Kannski mætti bæta við einni spurningu: Hefur Samfylkinginn hugleitt að gera Íslendingum þann greiða að draga framboð sitt til baka?

[Tjörvi Dýrfjörð, 16.4.2009 kl. 11:31]

Hér er slóðin á skýrsluna svo þú getir leitað svara við spurningum þínum og eins mæli ég með því að þú lesir "Fagra Ísland" og komir svo með dæmi um hvar Samfylkingin hefur beygt af leið samkvæmt þeirri stefnu. ég hef tekið eftir því að ansi margir hrópa upp að hinn eða þessi flokkurinn hafi sveigt af leið frá útgefinni stefnu en þeir sömu hafa aldrei haft fyrir því að lesa sig til.

ohttp://www.samfylkingin.is/LinkClick.aspx?fileticket=K0VEdzDM8UQ%3d&tabid=166

[S i g u r ð u r S i g u r ð a r s o n, 16.4.2009 kl. 11:52]

Samkvæmt plaggi Samfylkingarinnar sem Tjörvi Dýrfjörð var svo vinsamlegur að veita mér aðgang að er að finna þessi svör við spurningum mínum.

Verða skattar hækkkaðir eins og Vinstri grænir hafa hótað?

Svar: Ekkert um skattahækkanir

Verða laun lækkuð eins og Vinstri grænir hafa hótað?

Svar: Ekkert um launalækkanir.

Vill Samfylkingin leggja inn aðildarumsókn í ESB þrátt fyrir andstöðu VG?

Svar: Samfylkingin vill sækja um ESB aðild.

Hvernig ætlar Samfylkingin að taka á 18.000 manna atvinnuleysi?

Svar: „Bráðaaðgerðir í atvinnumálum.“

Stýrivextir eru 15,5% og ekki útlit fyrir frekari lækkun, hvað ætlar Samfylkingin að gera?

Svar: Ekkert um stýrivexti eða verðtryggingu í plagginu.

Tjörvi, plaggið er einfaldlega almennt orðað, rýrt.

[Gísli Baldvinsson (IP-tala skráð) 16.4.2009 kl. 12:20]

1. Já, og jafnaðir. 2. Nei. 3. Röng spurning, já aðildarviðræður. 4. Lestu SKAL GERT, mjög skýrt þar. 4. Seðlabankinn mun lækka stýrivextim jafnvel í næstu viku. Hvernig væri að kynna sér hvað sagt var á fundinum. Það sérðu hjá mér og mældu svo hvor er málefnalegri!

[S i g u r ð u r S i g u r ð a r s o n, 16.4.2009 kl. 13:10]

Ágætu kjósendur. Til að fá upplýsingar um stefnu Samfylkingarinnar farið á vef míns gamla vinar og samherja úr Sjálfstæðisflokknum Gísla Baldvinssonar. Aðeins þar er stafna krata skýr ...

Gaman að því að vera sekur um að spyrja rangrar spurningar.

Skyldi Seðlabankinn vera undir þrýstingi frá minnihlutastjórninni um að lækka vexti?

Grínlaust Gísli. Ég las bara plaggið sem Tjörvi Dýrfjörð vísaði mér á.

[Baldur Hermannsson, 16.4.2009 kl. 17:25]

Sigurður, gerðu þér engar vonir um skýr svör - eða svör yfirleitt. Nú eru forsprakkarnir að refsa Katrínu fyrir að hafa gloprað út úr sér leyndarmálum í gærkvöldi.

[Haraldur Hansson, 16.4.2009 kl. 17:37]

Gísli segir í svari 3 "Röng spurning, já aðildarviðræður."

Þetta er svar við spurningu Sigurðar um hvort Samfylkingin vilji leggja inn aðildarumsókn hjá ESB.

Það er ótrúlegt hvað þetta er lífsseigur misskilningur. Það er ekki hægt að fara í aðildarviðræður nema með því að leggja inn umsókn um aðild. Þannig gengur það fyrir sig: Fyrst sækir land formlega um aðild og svo geta viðræður hafist.

Þess vegna er nauðsynlegt að kynna ESB fyrst, síðan þurfa stjórnvöld að sækja umboð til almennings til að geta sótt um aðild. Það er gert með lýðræðislegum kosningum. Þeir sem ekki aðhyllast lýðræðisleg vinnubrögð afgreiða þetta með því að segja að það sé "óþarfi" að kjósa tvisvar!!!!