Skyldi minnihlutastjórnin nú vaða í Höskuld

Andrúmsloftið á fundi viðskiptanefndar Alþingis er án efa þrúgandi fyrir Höskuld Þórhallsson. Nefndarmenn minnihlutastjórnarinnar sitja á sér en vildu gjarnan vaða í Höskuld og taka hann til bæna, en þora ekki.

Sjálfstæðismennirnir fjórir njóta stundarinnar og bíða þess sem verða vill.

Það sem gerist næst er án ef að minnihlutastjórnin lætur formann nefndarinnar afgreiða álitið, verða þá til meirihluti og minnihluti. Þessu næst heimtar stjórnin þingfund og frumvarpið verður afgreitt sem lög frá Alþingi. Davíð Oddsson hættir. Viku síðar verður gerð breyting á lögunum um Seðlabankann, byggt á skýrslunni frá ESB.

Nema því aðeins að menn vilji gera hlutina vel og fari nú að lesa tillögur nefndar framkvæmdastjórnar Evrópusambandsins um regluverk á fjármálamörkum. Hver veit hvað gerist þá?

Ekki rætt um Seðlabanka

Athugasemdir

[Júlía Helgadóttir (IP-tala skráð) 24.2.2009 kl. 10:44]

Já hver veit hvað gerist ef fólk fer að vinna vinnuna sína?  Kannski hægt verði að bjarga einhverju?

[Sævar Einarsson, 24.2.2009 kl. 10:54]

Höskuldur er að passa það að flokkurinn hans verði með minna fylgi en styrkleiki pilsners í næstu kosningum og svo gengur hann í sjálftektarflokkinn, hann er svo sár að hafa tapað formannsslagnum.

[Sævar Einarsson, 24.2.2009 kl. 11:14]

haha var að heyra nýtt nafn á hann, Þröskuldur

[corvus corax, 24.2.2009 kl. 11:34]

Nýtt nafn á framsóknarfíflið er auðvitað Þröskuldur. Ég skrifaði athugasemdir á nokkrar bloggsíður í gær og fyrradag um það að ég kalli þennan bjána aldrei annað en Þröskuld héðan af vegna þess hve erfiður þröskuldur hann reyndist í viðskiptanefndinni til varnar Dabba drulluhala vini sínum.

[S i g u r ð u r S i g u r ð a r s o n, 24.2.2009 kl. 11:36]

Þú ert umtalsillur maður, „Corvus corax“.

[Valsól (IP-tala skráð) 24.2.2009 kl. 11:50]

Hvenær hefur þú verið svona ástfanginn af ESB og hvað þeir hafa til málanna að leggja? En málið er að Seðlabanki Evrópu bauðst til þess að fara yfir þetta frumvarp en þ.ess í stað vilja Sjálfstæðismenn og Þröskuldur bíða eftir skýrslu frá ienhverjum starfshópi innan ESB. Það skýtur einnig skökku við að Sjálfstæðismenn séu núna á móti þegar þeir þóttust hafa verið tilbúnir til að stíga þetta skref fyrir áramótin. Hvað breyttist?

[S i g u r ð u r S i g u r ð a r s o n, 24.2.2009 kl. 13:10]

Ég hef nú lengi verið tvístígandi varðandi ESB en hef ekki komist enn að niðurstöðu, sérstaklega varaðndi landbúnað og sjálvarútveg hér á landi. Vil samt ekki kalla þetta ást af minni hálfu - frekar Evru.

Það var reyndar minnihlutaríkisstjórnin sem hafnaði tilboði Seðlabanka Evrópu um að gefa umsögn um seðlabankafrumvarpið.

Hverju voru Sjálfstæðismenn á móti um áramótin?