Auðveldar göfugur tilgangur endurnýjun þorskstofnins?

Bregður nú nýrra við. Varla getur viðgangur þorsksstofnins verið í öfugu hlutfalli við ganginn í efnahagslífi þjóðarinnar. Ekki hef ég heldur mikla trú á því að möguleikar þorskstofnsins til endurnýjunar séu meiri þegar á hann er gengið í þeim göfuga tilgangi að endurræsa efnahagslífið.

Af tvennu illu ætti nú að vera skárra að láta þorskstofnninn óskertan þar sem ljóst er að hann þolir varla 130.000 tonna heildarafla og umræður á síðasta ári leiddu það í ljós að ómögulegt væri að auka við kvótann.

Þorskkvóti aukinn

Athugasemdir

[Fannar frá Rifi, 16.1.2009 kl. 13:41]

what?

hefur þú aldrei komið niður á höfn og hvað þá meir? 

hafið er fullt af þorsi. nýjust mælingar sína að hafró misreiknaði stofnstærðina 70% of lítið. 

þú ættir ekki að bulla um eitthvað sem þú veist ekkert um. 

[S i g u r ð u r S i g u r ð a r s o n, 16.1.2009 kl. 13:43]

Þakka fyrir málefnalega athugasemdi, Fannar frá Rifi, og ekki síður vinsamleg orð í minn garð.

[Sigurður Þórðarson, 16.1.2009 kl. 15:27]

Menn þykjast rýna í einhverja glerkúlu og setja á sig spámannshatt. Staðreyndin er samt sú að menn hafa ákaflega takmarkaða vitneskju um hver kjörveiðin ætti að vera. Ef þið mynduð skoða ráðlaga veiði í Barentshafi, áratugi aftur í tímann, í hlutfalli við veiði þá sést að ráðgjöfin hefur verið byggð á ágiskunum sem eru víðsfjarri frá raunveruleikanum.

 Árin eftir að farið var tvöfalt eða þrefalt fram úr ráðgjöf jukust veiðar og öfugt.  Með öðrum orðum þá var öfugt samband milli viðgangs fiskistofna og fiskverndunar.