Skemmtilegir krakkar í VG

Alltaf skemmtilegir krakkarnir í VG. Einatt uppáfinningasamir og fjörugir. Dreg það ekki í ef að starfsfólki bankans þykir reglulegagaman að fá þá í heimsókn.

Og þetta með grímurnar. Einstaklega áhrifarík aðferð til að hverfa inn í hjörðina, verða að andlitslausum hópi. Þetta gefur kjarklitlu krökkunum hugrekki, þeir geta sleppt fram af sér beislinu í skemmtun sinni.

Tek það skýrt fram að þessir skemmtilegu krakkar eiga stuðning minn allan. Burt með alla þessa stjórnendur sem voru á kafi í spillingunni og sérgæðunum.

Elín borin út úr bankanum

Athugasemdir

[Aegb, 7.1.2009 kl. 17:28]

Skemmtilegir svona sköllóttir Íslandshreyfingarmenn.

[S i g u r ð u r S i g u r ð a r s o n, 7.1.2009 kl. 17:34]

Hefði kannski átt að nota grímu ...

[Nonni, 7.1.2009 kl. 17:56]

Svona togarar eru ekki svara virði.

[Nonni, 7.1.2009 kl. 18:28]

Æi, jú kannski smá. Ég tek þetta til baka. Þetta var aðeins of hrokafull tjása hjá mér, og biðst ég afsökunar á því. Pínu pirraður á þessari VG spyrðingu alltaf hreint.

En semsagt af hverju heldurðu að við séum öll í VG? Eða þykja þér bara þeir sem eru í VG skemmtilegir, en ekki hinir?

[S i g u r ð u r S i g u r ð a r s o n, 7.1.2009 kl. 18:45]

Ekki Heimdellingar, þeir myndu aldrei mótmæla á þennan hátt, ekki Samfylkingarkrakkar, þeir myndu ekki hylja andlit sín, ekki Framsóknarkrakkar, þeir eru ekki nógu margir. Hverjir eru þá eftir?

Auðvitað geta þetta verið óflokksbundnir, en hvaða fólk er svona pólitískt og ekki flokksbundið? Ég bara spyr.

Auðvitað er ljótt að uppnefna fólk. Hélt að Nonni ætti við Aegb sem kommentaraði fyrstur. Annars er ekkert að afsaka, tók þetta ekki mikið nærri mér.

[FLÓTTAMAÐURINN, 7.1.2009 kl. 19:06]

Sigurður: Ég er pólitískur en óflokksbundinn. Getur það verið að ég sé einstakur?

[S i g u r ð u r S i g u r ð a r s o n, 7.1.2009 kl. 19:15]

Það vona ég svo sannarlega. Ekki vil ég að þú sért einn af andlitslausri hjörð ...

[S i g u r ð u r S i g u r ð a r s o n, 7.1.2009 kl. 20:57]

Hlýtur að vera rétt, fyrst Ágúst Valves Jóhannesson segir það.

[S i g u r ð u r S i g u r ð a r s o n, 8.1.2009 kl. 00:24]

Bestu þakkir fyrir uppörvandi komment, Ungfrú heimur. Er svona persónulega á þeirri skoðun að brosið sé lausnin öllum vandamálum.

[S i g u r ð u r S i g u r ð a r s o n, 8.1.2009 kl. 15:00]

Bestu þakkir fyrir þetta Ágúst. Þá veit maður það. Skyldi þetta fólk með grímurnar vera að fela þá einföldu staðreynd að það tekur þátt í öllum mótmælum sem fundin eru upp hér á landi?

[Nonni, 8.1.2009 kl. 16:11]

Er þetta diss eða hrós Sigurður? Annars höfum við atvinnumótmælendur verið að spá í að stofna stéttarfélag, svona svo við komumst í sumarbústaði líka og svona.

[S i g u r ð u r S i g u r ð a r s o n, 8.1.2009 kl. 16:22]

Nei, ég er ekki að dissa neinn. Hef bara þann grun að þeir sem nota grímur séu einfaldlega að fela sig vegna þess að það tekur þátt í öllum mögulegum mótmælum hér á landi. Hvort að það dragi eitthvað úr gildi mótmælanna er svo allt annað mál.