Sláandi munur á landsfundi Sjálfstæðisflokksins og aðalfundi Pírata

Aðalfundur Pírata var um síðustu helgi. Um sjötíu manns mættu á hann og réði þetta fólk ráðum sínum. Þessi mynd var tekin við það tækifæri. Í síðustu Alþingiskosningum fengu Píratar 27.449 atkvæði. Fundarsókn á aðalfundinum virðist vera í litlu samræmi við fjölda kjósenda.

Landsfundur Sjálfstæðiflokksins verður haldinn 3. til 5. nóvember næstkomandi. Hann er að jafnaði haldinn annað hvert ár. Þessi mynd var tekin á síðasta landsfundi. Nærri tvö þúsund manns sóttu fundinn.

Þess má geta að fundir margra málefnanefnda voru þá fjölmennari en aðalfundur Pírata. Flokkurinn fékk 54.990 atkvæði í síðustu Alþingiskosningum. Styrkur flokksins felst meðal annars í því að svo margir taka þátt í málefnastarfi hans.

 

Athugasemdir

[Sigurður Helgi Magnússon (IP-tala skráð) 28.8.2017 kl. 18:53]

Sjálfstæðisflokkurinn er soldið eldri en Pírataflokkurinn og þeir eru flinkir að halda skrautsýningar og hafa alltaf fjölmiðlasirkusinn með sér. Flokkurinn er gamaldags enda mest gamlingjar sem styðja þennan flokk. 

[Jóhann Kristinsson, 28.8.2017 kl. 20:14]

Þarf eitthvað að ræða málin í Sjóræningjaflokknum? Sjóræningjadrottningin ræður öllu, t d. ef það er kosið um eitthvað og drottningin er ekki ánægð með niðurstöðuna, þá er bara kosið aftur og þá eru það aðeins drottningargæðingarnir sem fá að kjósa.

Flokkur sem að básúnar að lýðræðið sé fyrir öllu, en fer svo ekkert eftir því.

Kveðja frá Houston

[S i g u r ð u r S i g u r ð a r s o n, 28.8.2017 kl. 20:39]

Sigurður Helgi Magnússon, einkenni barnslegrar einföldunar er sú að oftast eldist hún af fólki. Þú átt ábyggilega framtíðina fyrir þér. Óska þér góðs gengis um alla tíð, ekki síst á eftir árum.

[Halldór Egill Guðnason, 29.8.2017 kl. 03:50]

Undarlegur er "fréttaflutningur" rúvaranna af þessari samkomu. Mér tókst að telja rétt um sextíu manns á þessari samkomu. Er forkonan ljóshærð eða dökkhærð? Bleikhærð eða blá? Líkar henni niðurstaða samkomunnar, eða þarf að kjósa aftur, því henni líkar ekki niðurstaðan? "Who knows"?

 Ruglhópur anarkista og því miður, að auki, einfaldra sála sem logið var að.

 Góðar stundir, með kveðju að sunnan.

[SAT (IP-tala skráð) 29.8.2017 kl. 11:16]

Eru sjálfstæðismenn ekki bara fastir í gamla tímanum? Sýnist þeir ekki kunna á internetið...

Ertu kannski með streymislink á næsta Landsfund sem þú getur deilt með okkur?

[S i g u r ð u r S i g u r ð a r s o n, 29.8.2017 kl. 11:26]

Maður sem felur nafn sitt kemur með tvær fyrirspurnir.

Svarið við þeim er einfalt:

Síðustu landsfundum hefur verið streymt út á netið og að auki fjölmörgum fundum sem Sjálfstæðisflokkurinn hefur haldið þess á milli.  

Linkur á næsta landsfund verður gefinn upp á vefnum xd.is og ábyggilega getið um hann í fjölmiðlum eins og oft er gert.

Eitthvað fleira sem ég get upplýst þig um, þú sem fylgist ekki með og þorir ekki að koma fram undir nafni? 

[Brynjar (IP-tala skráð) 29.8.2017 kl. 13:20]

Ekki er nú allt gáfulegt sem kemur út úr landsfundi Sjálfstæðismanna.  Ég man ekki betur en stutt sé síðan að þar kom tillaga út úr nefnd að öll ný lagasetning á Íslandi ætti að taka mið af Biblíunni eða kristnum gildum.  Þessi tillaga var komin til atkvæðagreiðslu og ekkert virtist stoppa að þessi vitleysa yrði samþykkt.  Það vcoru þá krakkarnir úr Heimdalli sem náðu að stoppa þetta mál á síðustu stundu.

Fundur þarf ekkert að vera gáfulegri þó margir séu þátttakendurnir.

Nú er ég hvorki Pírati né Sjalli.  Landsfundur Sjálfstæðismanna hefur alltaf mynnt mig á fjölmenna árshátíð.

Eflaust er þar þó unnið í ýmsum pólitískum málum.

[S i g u r ð u r S i g u r ð a r s o n, 29.8.2017 kl. 23:50]

Eitthvað er nú minnið að plata þig, Brynjar.

Og af því að þú nefnir þetta þá má spyrja hvort einhver eigi að stoppa „óæskilegar“ tillögur hjá lýðræðislegum stjórnmálaflokkum? Hvar drögum við eiginlega línuna milli lýðræðis og stjórnlyndis.

Hins vegar held ég að enginn stjórnmálaflokkur geti toppað þetta sem telst ekki til sögusagna eða rógs:

Okkar niðurstaða í VG hefur verið sú að þegar vegnir eru saman kostir og gallar, þær fórnir sem færðar væru í þágu aðildar að Evrópusambandinu og það framsal á lýðræðislegu ákvarðanavaldi sem færi þar með úr landinu, væri sú takmörkun fullveldis og samnings- og sjálfsákvörðunarréttar of dýru verði keypt …

Þetta sögðu formaður og varaformaður Vinstri grænna, Steingrímur J. Sigfússon og Katrín Jakobsdóttir, í grein í Morgunblaðinu 28. júlí 2009 um hugsanlega aðild að ESB.

Ári síðar stóðu þau tvö ásamt hluta af þingflokki VG að því að samþykkja þingsályktunartillögu um inngöngu Íslands í Evrópusambandið. Hafði þó ekkert breyst frá því árinu áður. Og þó ... það sem breyttist var að stjórnmálaflokkurinn Vinstri grænir gerðist svo ómerkilegur að selja skoðanir sínar í Evrópumálum fyrir ráðherrasæti.

Flóknara var það nú ekki. Flokkurinn gekk í berhögg við stefnu sína, forystumenn hans urðu ómerkingar í augum flestra landsmanna - og eru það ennþá.