Mikill skjálfti í Bárðarbungu

Ekki telst til tíðinda þó jörð skjálfi nema mikill skjálft mælist. Í gærkvöldi hófst skjálftahrina í norðanverðri Bárðarbungu. Um tuttugu skjálftar, eitt stig eða meiri, hafa orðið þarna á einum sólarhring, það er frá því um kl. 19 í gærkvöldi.

Merkilegast er að einn skjálfti náði að verða 4 stig, sem er nú frekar sjaldgæft. Annars voru samtals sex skjálftar stærri en þrjú stig. Allir eru skjálftarnir á mismunandi dýpi, allt frá 100 m undir yfirborði og niður í átta km.

Á meðfylgjandi korti frá Veðurstofunni sjást upptök skjálftanna.

Skjálftar yfir þremur stigum eru merktir með stjörnu. Hrinan er eins og vant er í norðurhluta Bárðarbungu, líklegast á jaðri öskjunnar.

Vinstra megin á kortinu er Tungnafellsjökull og nyrst í Vatnajökli er Dyngjujökull.

Athugasemdir

[Anna Sigríður Guðmundsdóttir, 19.11.2016 kl. 23:11]

Sigurður. Jarðskjálfti í nótt, og mig dreymdi undarlegan draum í nótt. Að ég væri komin aftur til Noregs ásamt fjölmörgum öðrum Íslendingum. Það var eiginlega Íslendinganýlenda þarna. Ég leigði íbúð hjá sama fólki og ég geri í dag, sem höfðu víst líka farið þangað.

Datt í hug að kíkja á fréttirnar á netinu í morgun, til að athuga hvort einhverjar stórfréttir væru, en það var bara skaðlaus ca 4. stiga skjálfti sá stærsti.

Svo þetta var bara saklaus og merkingarlaus Noregsflótta-nýlendudraumur, sem betur fer. Það er ekki öll vitleysan eins.

M.b.kv.