Áróður Ríkisútvarpsins gegn Framsókn og formanninum

Sigmundur Davíð Gunnlaugsson, formaður Framsóknarflokksins, hlaut örugga kosningu sem oddviti flokksins í Norðausturkjördæmi. Hann hlaut meira en helming atkvæða og því þarf ekki að kjósa aftur um efsta sætið. Sigmundur hlaut yfirburðarkosningu eða 170 atkvæði, 72 prósent.

Svo segir á vef Ríkisútvarpsins. Nú velti ég því fyrir mér hvað stofnunin tekur til bragðs eftir um fimm mánaða fabúleringar um valta stöðu formanns Framsóknarflokksins í kjördæmi sínu. Á þessum tíma hefur varla liðið sá fréttatími að ekki hafi verið minnst á Sigmund Davíð Gunnlaugsson  í fréttatímum og síst af öllu til að fegra ímynd hans. Þvert á móti virðist Ríkisútvarpið hafi lýst yfir hatrömmu stríði gegn manninum og flokknum hans.

Mér er nokk sama um Framsóknarflokkinn, styð hann ekki og hef aldrei gert. Get þó varla orða bundist eftir langa baráttu fjölmiðils sem ég er neyddur til að vera áskrifandi að, þess hins sama sem í þokkabót segist vera allra landsmanna.

Heiftin gegn Sigmundi Davíð Gunnlaugssyni skín í gegnum allan fréttaflutning. Ekki þannig að á hann sé ráðist eins og fréttirnar skrifi „virkir í athugasemdum“ sorpblaða. Nei, umfjöllunin er lævíslegri en svo. Fréttamenn draga til alls kyns álitsgjafa sem hafa afar fjölbreytta skoðun á báðum, síst þó jákvæða.

Skelfing sem manni leiðist þessi fréttaflutningur og þar að auki Framsóknarflokkurinn. Samt er þessu er dengt framan í hlustaendur í fréttum, fréttaskýringum og alls kyns þáttum í útvarpi og sjónvarpi. Sannkallað maraþon gegn Framsóknarflokknum.

Næst á dagskránni er aðalfundur Framsóknar og fram að þeim tíma verða alls kyns bollaleggingar fréttamanna um framtíð Sigmundar Davíðs, hvort hann verði felldur í formannskjöri, hvað verði um forsætisráðherrann og hvað Guðni Ágústsson fái sér í morgunmat og kvöldmat.

Dettur einhverjum í hug að Ríkisútvarpið hafi ekki áhrif? Stór hluti landsmanna hlustar á fréttatíma í útvarpi og sjónvarpi og margir gleyma það hrátt sem kemur í þeim. Sá tónn sem þar er sleginn, hefur gríðarleg áhrif.

Ég viðurkenni að ég á fullt í fangi með að taka á móti þessum fréttaflutningi um Framsóknarflokkinn því smám saman hefur þau áhrif að hann hefur áhrif á undirmeðvitundina, að Sigmundur Davíð Gunnlaugsson sé hinn mesti skíthæll og landráðamaður.

Vandamálið er að ég tek fáu gagnrýnislaust, er bara betur upplýstur en svo að ég láti áróður ráða skoðunum mínum. Ég hlusta og les það sem stjórnmálamenn segja en læt ekki fjölmiðil ráða hvaða skoðanir ég mynda. Ég fylgist með fjölmiðlum, les skýrslur og afla mér upplýsinga. Þar rekst áróðurinn á vegg upplýsingarinnar.

Á grundvelli þess sem ég er, skil og veit þá veit ég að meira er spunnið í íslenska stjórnmálamenn en áróðursmeistarar og sundurlyndisfólk lætur í veðri vaka. Og ég mótmæli því að fjölmiðill sem ég er nauðbeygður til að vera áskrifandi að sé misnotaður til að hafa þau áhrif á mig að mér eigi á mislíka einhver stjórnmálamaður eða stjórnmálaflokkur.

Þrátt fyrir það sem ég hef hér sagt um Ríkisútvarpið er það ekki alls kostar slæmt og margt gott sem þar er gert.

Hér er samt eitt lítið dæmi um eitthvað sem ég skil ekki. Í Ríkisútvarpinu er verið er að auglýsa tónleika hinnar frábæru norsku söngkonu Sissel Kyrkjebø sem verða í haust. Um leið og auglýsingarnar taka að hljóma er farið að spila lög með þessari sömu söngkonu í ýmsum dagskrárliðum Ríkisútvarpsins. Þetta er ábyggilega tilviljun rétt eins og fréttaflutningurinn um formann Framsóknarflokksins.

Sigmundur með afgerandi forystu

Athugasemdir

[Óskar Helgi Helgason (IP-tala skráð) 17.9.2016 kl. 14:43]

Sæll Sigurður landafræða könnuður - og aðrir gestir, þínir !

Fyrir það I. Sigurður minn !

Enginn: er ég velunnari Ríkisútvarpsins:: allra sízt eftir fráhvarf Andrésar Björnssonar (yngra), úr stóli Útvarpsstjóra, á sínum tíma.

En - að þú skulir, af öllum: tiltölulega skynsömum mönnum, stökkva á varnarvagn þessa aflandseyja fjármuna brsakara, Sigmundar Davíðs Gunnlaugssonar, setur þig einfaldlega niður sjálfan, Sigurður minn.

Sigmundur Davíð: ló sig inn á landsmenn, með Gylliboðum afskripta og lána- og vaxta lækkana, sem hvergi sér staðar, í raunveru leikanum, síðuhafi góður.

''Leiðréttingar'' kjaptæði hans, greiða lántakendur niður sjálfir, enda buktar þessi maaður sig rækilega, fyrir Banka Mafíunum, innan lands / sem utan þess, og hefir gert, alla tíð.

Eitt dæmi skyldi nefna - um sjálfbirgingsskap hans, og gorgeir.

Plágu gjald Ögmundar Jónassonar: frá Vorinu 2010, til handa Bifreiðaeigendum smærri / sem stærri ökutækja landsmanna, gagnvart Benzíni og Olíu, stendur ENN, óhaggað.

Bifreiðagjöldin (ásett 1988: með gildistöku 1. Janúar 1989), sem Þorsteinn Pálsson og Jón Baldvin Hannibalsson sóru / og sárt við lögðu, að afnumin skyldu, fyrir árslok 1990, standa ENN.

Það er til marks: um þýlindi og heimsku Norð- Austurlands búa, að þeir skyldu veita þessu miður viðurkvæmilega flóni, Sigmundi Davíð Gunnlaugssyni það brautargengi, sem raun varð á, í Hadegi líðandi dags.

Enginn - er ég Mannfræðingurinn (rasistinn) Sigurður, en, .... það er ekki einleikið, hvað Keltneska mengunin (Íra og Skota, einhvers þess mest þræls lundaða fólks, sem finna má í vestnaverðri Evrópu, líkt Böltunum (Eistlendingum / Lettum og Litháum, við Eystrasltið)  er rótgróin, í hugarþeli allt of margra landamanna, sbr. tignun ýmissa á spjátrungnum Sigmundi Davíð t.d., vottfestir:: svo iðulega, þessi misserin - sem líðandi dægur.

En: það mun fara, sem vill, eins og sagt var eitt sinn, þegar angurgapar lítilmennzku og svika, sem Sigmmundur Davíð Gunnlaugs son, og aðrir af hans calíberi hreykja sér hvað hæst - því meira verður fall hinna sömu þegar fram líða stundir, Sigurður minn.

Með beztu kveðjum af Suðurlandi - engu, að síður /  

[S i g u r ð u r S i g u r ð a r s o n, 17.9.2016 kl. 17:14]

Óskar, kæri vinur. Þú verður að lesa pistilinn aftur. Hann fjallar ekkert um vörn fyrir Sigmund eða Framsóknarflokkinn. Allt annað.

Annars er allta verulega gaman að fá línu frá þér. Þú hefur lag á því að finna skemmtileg sjónarhorn.

[Óskar Helgi Helgason (IP-tala skráð) 17.9.2016 kl. 17:32]

Sæll á ný - Sigurður !

Þakka þér fyrir: að hafa leiðrétt mistúlkun mína, þinna viðhorfa.

Fór reyndar - á hraðferð nokkurri, yfir: annarrs greinargóðan pistil þinn, fyrr í dag.

Að öðru leyti: stend ég við hvert orða minna, sem hnigu að Sigmundi Davíð, og hinum dæmalausa og fáheyrða söfnuði hans, algjörlega.

Með ekki síðri kveðjum - hinum fyrri, og áður /