Vita þingmenn Bjartrar framtíðar ekki betur eða skrökva þeir?

Ef lögð yrði fram á Alþingi þingsályktunartillaga þess efnis að Ísland segði sig úr Bandaríkjum Norður Ameríku myndu flestir hlægja að flutningsmanni hennar. Einnig ef lögð yrði fram ályktun um að Ísland sækti um aðild að samtökum Afríkuríkja.

Nú hafa þingmenn Bjartrar framtíðar lagt fram eftirfarandi ályktun á Alþingi:

Alþingi ályktar að fram fari þjóðaratkvæðagreiðsla 29. október 2016 um hvort halda skuli áfram aðildarviðræðum Íslands við Evrópusambandið.
Eftirfarandi spurning verði borin upp í þjóðaratkvæðagreiðslunni:
„Vilt þú að Ísland taki upp þráðinn í viðræðum við Evrópusambandið með það að markmiði að gera aðildarsamning sem borinn yrði undir þjóðina til samþykktar eða synjunar? Já nei“.

Enginn hlær en fjöldi fólks er gapandi hissa enda er ályktunin jafnvitlaus og dæmin sem nefnd voru í upphafi. Ástæðan er einföld. ESB býður ekki upp aðildarviðræður og samning.

Aðildarumsókn er umsókn um aðild 

ESB heimilar ríki að sækja um aðild ætli það sér að ganga í sambandið. Aungvir samningar eru gerðir um annað en aðild. Þess vegna er aðdragandinn að inngöngu ríkis nefnd aðlögunarviðræður. Á ensku eru þær nefndar „Accession negotiations“.

Hvers vegna er þá alltaf verið að tönglast á samningi við ESB?

Tvö svör geta verið við þesari spurningu. Annað hvort vita þeir ekki betur sem tala um samning eða þá að þeir sem um hann ræða eru vísvitandi að fara með rangt mál.

Þeir vildu ekki þjóðaratkvæði 2009

Þingmenn Bjartrar framtíðar, Róbert Marshall og Guðmundur Steingrímsson, samþykktu þingsályktunartillögu ríkisstjórnar Jóhönnu og Steingríms í júlí 2009. Þeir höfnuðu tillögum Sjálfstæðisflokksins um þjóðaratkvæðagreiðslu um aðildina. Ekki minntust þessir tveir menn einu orði á að farið yrði í aðlögunarviðræður sem hefðu einungis leitt til einnar niðurstöðu, aðildar Íslands að ESB - samningslausrar.

Vita þessir menn ekki betur?

Miðað við forsögu málsins er heiðskírt að Guðmundur Steingrímsson, Róbert Marshall og aðrir þingmenn Bjartrar framtíðar eru að skrökva að þjóðinni. Auðvitað vita þeir að það er ekki hægt að gera aðildarsamning við ESB. Annað hvort gengur Ísland inn í ESB eða ekki. Þeir sleppa því að minnast á aðlögunarviðræðurnar og að umsókn fjallar ekki um samning heldur aðild.

Aðlögunarviðræður eru ekki samningaviðræður

Með aðildarlögunarviðræðunum milli Íslands og ESB var verið að samræma lög og reglur Íslands við stjórnarskrá og reglur ESB. Þessu var reynt að halda leyndu þangað til ríkisstjórnin féll í kosningunum 2013. Þá voru aðlögunarviðræðurnar langt komnar án þess þó að þjóðin hefði samþykkt aðild.

Tillaga þingmanna Bjartrar framtíðar er því sýndarleikur, tilraun til að kasta ryki í augu kjósenda í þeirri von að flokkurinn þurrkist ekki út í kosningunum í október.

Lenging birtutíma á Íslandi

Eftir stendur að hið eina sem þjóðin mun minnast Bjartrar framtíðar fyrir eru tillögur um að lengja birtutíma á Íslandi með því að færa klukkuna fram og aftur og sækja um aðild að ESB og gera samning um aðildina. Hvort tveggja er ómögulegt.

 

Vilja þjóðaratkvæði um aðildarviðræður

Athugasemdir

[Jón Steinar Ragnarsson, 19.8.2016 kl. 22:29]

Það er ekki hægt að klára víðræðurnar, hvað þá ganga í sambandið fyrr en búið er að breyta stjórnarskránni og heimila framsal ríksvalds.

þessvegna eru menn nú að jagast í að haæda lífi í stjórnarskrármálinu. 2013 gaf Feneyjanefnd Evrópusambandsins út álit sitt á drögum stjornlagaráðs og gaf þeim falleinkunn m.a. Vegna þess að of margir fyrirvarar voru framsali ríkisvalds í drögunum. Þannig sigldu bæði umsóknin og stjornarskrármálið í strand á sama degi. Það er ekki einu sinni hægt að opna kafla er varða framsal valds fyrr en búið er að leyfa það í stjórnarskrá.

Þetta er ein astæða þess að leyndin mikla var sett á rýniskýrslurnar. Þar kemur það væntanlega í ljós að stjornarskrármálið og evropusambands umsóknin eru sama mál.

Smá upprifjun frá 2009 á því hvernig og hvers vegna stjórnarskrármalið varð til og að þessi mál eru í raun sama málið.

http://www.visir.is/stjornarskra-breytt-fyrir-esb-adild/article/200938564492

[Sigurður M Grétarsson, 20.8.2016 kl. 10:49]

Voðalega virðast sumir eiga erfitt með að skilja það að til að gera samning þarf fyrst á semja um það hvernig samnigurinn á að líta út. Það er kallað "samningaviðræður". Það er síðan ekki fyrr en búið ar að klára þær viðræður og skrifa niður texta samning sam báðir eða allir aðilar samkomulegsins geta sætt sig við og staðfesta með undirskrift sinni sem komin er á samningur.

Þess vegna eru viðræður sem hafa það að markmiði að ljúka með samningi um aðild þjóðar að ESB réttilega kallaðar "aðildaviræður" þó vissulega geti önnur orði einnig talist rétt lýsing á því sem þar fera fram. Aðildarsamningur verður síðan ekki fullgiltur fyrr en bæð Íslan og allar aðildarþjóðir ESB hafa samþykkt hann. 

Það er því ekkert hlægilegt eða rangt við þessa tillögu Bjartrar framtíðar og þaðan af síður væri slæmt ef þessi tillaga yrði samþykkt. 

Hvað varðar þær stjórnarskrárbreytingar sem þarf að gera til að geta fullgilt samningin þá verður einfaldlega að líta svo á að ef þjóðin samþykkir samninginn í þjóðaratkvæðagreiðslu þá samþykki hún um leið þær stjórnarskrárbreytingar sam þarf til að sá samningur geti staðist sjórnarskránna. Vonandi hafa þeir sem þá eru á þingi þá lýðræishusjón að samþykkja þá stjórnarskrárbreytingu þegar þar að kemur óhað eigin skoðun á henni. 

[S i g u r ð u r S i g u r ð a r s o n, 20.8.2016 kl. 11:08]

Það er greinilegt, Sigurður M. Grétarsson, að þú veist ekkert um hvað aðlögunarviðræðurnar fjalla um. Fyrir alla muni kynntu þér þær.„Accession negotiations“

Þær eru ekki samningaviðræður. Ekki reyna að halda því fram því það er rangt.

[Björgvin Ibsen (IP-tala skráð) 20.8.2016 kl. 12:15]

Slóin væntanlega hér:

http://ec.europa.eu/enlargement/policy/glossary/terms/accession-negotiations_en.htm

[Sigurður M Grétarsson, 20.8.2016 kl. 14:33]

Ert þú enn að koma þeirri þvælu að að við séum í aðlögunarferli en ekki samningaferli? Það er nú búið að jarða þessa fullyrðigu það oft að það er orðið ansi þreytt þegar menn eru enn að halda henni á lofti. Það hafa ekki farið fram nein aðlögun að ESB reglum hér á landi vegna aðildaviðræðna okker heldur einungis vegna aðilar okkar að EES samningum. Það ferli sem var í gangi og þingmenn Bjartar framtíðar vilja halda þjóðarakvæðagreiðslu um hvort á að setja aftur í gang eru aðildarviðræður sem munu enda með samningi sem síðan verður borin undir þjóðaratkvæðagreiðslu. Ef samningurinn verður samþykktur tekur við aðlögunarferli sem stendur væntanlega í eitt og hálft til tvö ár og að því liðnu verður Ísland formlega aðkili að ESB.

[Elle_, 20.8.2016 kl. 14:58]

Einhliða upptaka laga eins af hálfu hins, getur aldrei kallast samningur neitt, Sigurður M.  Orðin samningur og samningaviðræður eru hláleg í samhenginu.  Það er ekki eins og flokkurinn þinn komi af fjöllum, þið vissuð það í minnsta lagi 2009. 

Og ég trúi ekki að Guðmundur Steingrímsson og hans flokkur viti það ekki.  Flokkarnir ættu að viðurkenna það frekar en ljúga upp í opið geðið á fólki.   

[Jón Steinar Ragnarsson, 20.8.2016 kl. 16:07]

Nu voru Sviaslendingar að draga til baka umsók sína í síðustu viku. Spurning hvort utanríkisráðherra kynni sér hvernig þeir báru sig að því. Það virtist ganga snuðrulaust og enginn miskilningur eða efasemdir um að ferlinu er lokið þar.

Sigurður M. Grétarsson: Það sem breyta þarf í stjórnarskrá er að leyfa framsal ríkisvalds í öllum megin fullveldisatriðum, það mun þjöðin aldrei samþykkja.

Allur stjórnlagaþingssirkusinn var leikrit til að breiða yfir þetta meginatriði. Svo kyrfilega var reynt að aðskilja málin í hugum fólksins að megnið af stjórnlagaráði var búinn að gæeyma að þessi tvö mal væru sama malið og settu marga fyrirvara á framsal ríkisvalds. Með þeim fyrirvörum í stjornarskrárdrögunum verður ekki gengið í sambandið né hægt að opna kafla er varða framsal. Þ.a.m. Auðlindamálin. Aðlögunarviðræður verða ekki kláraðar fyrr en búið er að breyta stjórnarskrá, svo það er rangt hjá þér að hægt verði að kjösa um bæði mál á sama tima.

Feneyjanefndin var klingjandi skýr í höfnun sinni á drögunum 2013. Hér er hlekkur á þessa niðurstöðu feneyjanefndarinnar. Lestu t.d. Hvað þeir segja um 111. Greinina undir utanríkismálaþættinum.:

http://www.althingi.is/pdf/venice.coe.pdf

[S i g u r ð u r S i g u r ð a r s o n, 20.8.2016 kl. 18:00]

Sigurður M. Grétarsson því fram að Ísland hafi stundað samningaviðræður við ESB þar sem keppikefli hvors aðila um sig hafi verið að fá það besta frá hvoru öðru, rétt eins og tveir menn séu að prútta á tyrknesku markaðstorgi.

Það sem hún Sigurður M. veit ekki eða kýs að leiða hjá sér er að aungvar samningaviðræður hafa verið á milli Íslands og Evrópusambandsins. Þetta eru aðlögunarviðræður og þær eru einhliða, nokkurs konar yfirheyrsla, rétt eins og hér segir í reglum ESB:

First, it is important to underline that the term “negotiation” can be misleading. Accession negotiations focus on the conditions and timing of the candidates odoption, implimentation and application of EU rules – some 90,000 pages of them. And these rules (also known as “acquis”, French for “that which has been agreed”) are not negotiable.  

Ég geri ráð fyrir því að Sigurður M. kunni ensku. Þá veit hann að samningaviðræður eru á enskri tungu negotiation. Upp á það býður ESB ekki heldur accession negotiations. Hvað er nú það, Sigurður M. Grétarsson? Jú, það er skýrt hér fyrir ofan.

Sigurður ætti að lesa þetta í reglunum:

Candidates consequently have an incentive to implement necessary reforms rapidly and effectively. Some of these reforms require considerable and sometimes difficult transformations of a country’s political and economic structures. It is therefore important that governments clearly and convincingly communicate the reasons for these reforms to the citizens of the country. 

Þetta má finna á eftirfarandi slóð: „Understanding Enlargement - The European Union’s enlargement policy“.

Svo er ekki úr vegi að Sigurður M. hlusti á stækkunarstjóra ESB sem sat við hlið Össurar Skarphéðinssonar, þáverandi utanríkisráðherra Íslands, er hann sagði að undanþágur séu ekki veittar frá þessum reglum. Upptaka af ummælunum er hér: https://www.youtube.com/watch?v=0O4fkcYwpu8.  

Lágmarkskrafa er að menn viti hvað þeir eru að tala um þegar þeir álpast hingað inn á athugasemdadálkinn og vilja hirta mig fyrir skoðanir mínar eða annað sem ég birti.

Ég get ekki gert Sigurði M. meiri greiða en að vísa í það sem ESB segir um aðlögunarviðræður. Sé hann ósáttur með tilvísanirnar þá er best að hann eigi óánægju sína og gremju við ESB en láti mig í friði á þessum vettvangi.