Birgitta skilur ekki og er því illt í maganum

Stundum þegar Birgitta Jónsdóttir tekur til máls bendir margt til þess að hún tali bara til að tala. Ástæðan er einfaldlega sú að sjaldnast leggur hún eitthvað uppbyggilegt til málanna.

Sé skynsemin ekki fyrir hendi er besti kosturinn að þegja. Engu skiptir hvernig þingmanni líður í mallakútnum eða annars staðar í kroppnum. 

Í frétt mbl.is er endursögn af orðum hennar á þingi í dag þessi: Hún sagði fjár­mála­gjörn­ing­ana mjög flókna og kynn­ing­una á frum­varp­inu yf­ir­borðslega. Einnig taldi hún að betra hefði verið að bíða með frum­varpið þangað til nýtt þing væri komið til starfa svo að nægt traust væri fyr­ir hendi.

Með öðrum orðum Birgitta Jónsdóttir skilur ekki frumvarpið. Þó svo að kosið væri í dag eru ekki líkur á því að ný ríkisstjórn eða meirihluti á Alþingi væri jafn stór og sá sem stendur að þessari ríkisstjórn. Hafi þingmaðurinn ekki traust á frumvarpinu kýs hún án efa á móti því. Þar að auki gæti hún lagst í málþóf, það er eitt af því fáa sem hún gerir af þekkingu og skilningi.

Gjamm Birgittu um fjármála- og efnahagsráðherrann er merki um skort á háttvísi og tilgangurinn hinn sami og lesa má hjá virkum í athugasemdum sumra fjölmiðla. Þar er ekki miklu viti fyrir að fara.

Með ónot í maganum

Athugasemdir

[Axel Jóhann Axelsson, 20.5.2016 kl. 20:40]

Er skilningsleysi Birgittu nokkuð nýtilkomið?  Píratar hafa borið því við allt kjörtímabilið að þeir geti ekki komist inn í málin og þess vegna þurfi þeir oftast að sitja hjá við atkvæðagreiðslur. Helst hafa þeir yfirleitt viljað að málum væri frestað þangað til þeir öðluðust skilning á efninu.

[Halldór Egill Guðnason, 21.5.2016 kl. 00:45]

Herrar mínir.: Þyrstir ykkur ekki svo mikið sem agnarögn, í að vita hverjum er verið að fara að greiða þessa fjármuni? Ekki það að ég ætli að hafa miklar áhyggjur af þarmaflóru Birgittu, en mér þætti það ráðlegt af yfirvöldum að opinbera listann yfir þá sem greiða á til og eins einstaklinganna sem mest eiga undir. 

Göðar atundir, með kveðju að sunnan.