Ólíðandi karp á Alþingi Íslendinga.

Í sannleika sagt er hræðilegt að hlusta á karpið á Alþingi. Ekki nokkur maður reynir að breyta umræðum þar í þá átt að gera þær betri.

Þingmaður hrópar: „Rautt“.

Annar þingmaður hrópar: „Blátt“.

Og svo endurtaka þeir sig þangað til þeir standa á öndinni eða hníga niður af súrefnisskorti. Þetta leiðir aldrei til annars en gagnslausra endurtekninga.

Í stað þess á að krefjast þess af þingmönnum að þeir sýni sér sjálfum og öðrum háttvísi og kurteisi.

Má ætla að allir þingmenn vilji gera gott? Sé svo er einfalt mál að breyta umræðum þingsins og í sannleika sagt gera það sem gera þarf. Hætta þessu karpi. Allt sem þarf er sameiginlegur vilji þingmanna sem þá leggja af gorgeir og ávirðingar.

Er viljinn fyrir hendi.

„Hræðilega aumkunarvert að hlusta á“

Athugasemdir

[Aztec, 9.12.2015 kl. 20:35]

Mér finnst allt í lagi, að Steingrími sé bent á það hvernig hann sé að kasta grjóti úr glerhúsi. Steingrímur er enn mestur í kjaftinum, þótt það sé löngu búið að kasta honum á hina pólítísku öskuhauga.

Auðvitað eiga ríkisstjórn og stjórnarandstaða að vinna saman um beztan hag allra landsmanna. En til þess þurfum við allt aðra og betri þingmenn.

[Sandy, 10.12.2015 kl. 08:25]

Þjóðin þarf ekki bara nýja þingmenn,persónulega held ég að það þurfi ekki síður að hreinsa til í embættismannakerfinu og skoða nauðsyn þess að hinir og þessir séu ráðnir inn sem ráðgjafar fyrir margar milljóðir á ári.

[Jón Þórhallsson, 10.12.2015 kl. 15:48]

Það þyrfti að innrétta þingsalinn á Alþingi  eins og fjölmiðla-salinn í Seðlabankanum eða eins og kennslusofu í Háskóla þar sem að alþingismönnum gefst kostur á að SETJA GÖGN OG ÁÆTALANIR UPP Á SKJÁ  eins og er í öllum nútíma-fyrirtækjum.