Á staða skóla í Pisa könnuninni að vera leyndarmál?

Eva leggur áherslu á það að ekki aðeins hafi fulltrúi VG í ráðinu tekið undir með meirihlutanum, heldur hafi fulltrúar grunnskólakennara og skólastjórnenda í Reykjavík einnig stutt bókun meirihlutans. „Við viljum bara vinna þetta mál vel í sameiningu, og það er mikilvægt að foreldrar séu meðvitaðir um sína skóla og hvetji til góðrar skólaþróunar.

Þetta segir Eva Einarsdóttir, fulltrúi Besta flokksins í skóla- og frístundaráði Reykjavíkurborgar, í viðtali við Morgunblað dagsins. Hún er að bregðast við skoðun Kjartans Magnússonar, borgarfulltrúa Sjálfstæðisflokksins, sem vill að niðurstöður Pisa könnunarinnar verði opinberaðar og frammistaða hvers skóla í Reykjavík.

Nei, svo lagt gengur ekki stefna vinstri meirihlutans í borgarstjórn um gegnsæi í stjórnsýslunni. Þessu vill meirihlutinn endilega halda leyndu og ekki kemur á óvart að fulltrúar kennara og skólastjóra taki undir það sjónarmið. Þessar stéttir hafa aldrei viljað standa fyrir máli sínu og bregðast opinberlega við slökum árangri nemenda en eru alltaf fyrst til að hreykja sér af góðum árangri.

Staðreyndin er einfaldlega sú að það vantar samkeppni í skólastarfið. Foreldrar þurfa að geta brugðist við lélegum árangri í skólum og geta sent börn sín í betri skóla. Einfaldara getur það ekki verið. Flækjan byggist á því að gera foreldrum ókleyft að gera þetta og þess vegna á að þegja niðurstöður Pisa könnunarinnar í hel. Þetta er svona svipað eins og að halda verðbólustiginu leyndu svo ríkisstjórnin þyrfti ekki að hafa áhyggjur. Eða að halda vaxtastigi banka leyndu til að verja bankanna og koma í veg fyrir að viðskiptavinir þeirra fari þangað sem betra er boðið. 

Auðvitað er þetta hið mesta og versta afturhald enda ekki við öðru að búast frá Bestaflokknum og Samfylkingunni. 

Athugasemdir

[Anna Sigríður Guðmundsdóttir, 6.3.2014 kl. 16:34]

Sigurður. Besti Flokkurinn hrapaði þegar Jón Gnarr ákvað að hætta.

Ég ætla að fá að nota tækifærið hér og nú, á síðunni þinni, til að þakka Waldorfskólanum Sólstöfum, fyrir frábæra og ómetanlega hjálp, kennslu og lífsundirbúning yngsta sonar míns.

Ég veit ekki hvernig hefði farið án Waldorfskólans, og hjálpar frá öllu frábæra Starfsfólkinu í þeim góða skóla, í Sóltúninu. Þar er hugur, hönd og hjarta, virt og virkjað saman.

Þöggun á göllum opinbera kassa-grunnskólakerfisins hefur tekið mörg barnslíf/heilsu/velferð, og sundrað mörgum heimilum/fjölskyldum.

Heilaþvotta-kassabandalag opinberra grunnskóla vestræna heimsveldisins, er börnum banvænt veganesti út í lífið!

Svo þakka ég kærlega eineltis-samtökunum: Jeríkó, sem hjálpuðu mér ómetanlega mikið, við að bjarga okkur út úr vítinu.

Spilling og glæpir lifa, vegna þöggunar og ótta!

M.b.kv.