Grafskrift ríkisstjórnar

Betra að taka það fram að Kári Stefánsson á við að lyfin lyfin sjálf eru ekki gömul heldur tæknin eða þekkingin sem þau byggjast ár.

Hann sagði líka að síðasta ríkisstjón hefði haft það eitt markmið að koma landinu í ESB og það hefði, eins og svo margt annað, ekki tekist. 

Fín grafskrift fyrir slaka ríkisstjórn. 

Kári: Erum ekki að nota bestu lyfin

Athugasemdir

[Tómas, 22.9.2013 kl. 14:44]

Þessu er ég ósammála. Síðasta ríkisstjórn hafði augljóslega fleiri markmið en að halda aðildar-/aðlögunarferli við ESB áfram.

Auk þess tók síðasta ríkisstjórn ekki við auðveldu búi, og fóru síðustu 4 ár að miklu leyti í tiltekt eftir ríkisstjórnirnar sem á undan fóru (sem að mestu voru xD og xB).

Ef við erum 15-20 árum eftir á í læknisfræðinni, hvernig stóð á því að það var ekki lagfært í góðærinu svokallaða? Mætti kannski halda að fólkið sem er núna í ríkisstjórn hafi aldrei lagt áherslu á það fyrir hrun.

[Tómas, 22.9.2013 kl. 14:49]

Smá viðbót:

Magnað að fólk - t.d. þú - þurfir að snúa þessu í gagnrýni á síðustu ríkisstjórn.

Úr fréttinni sem þú er að skrifa við stendur: "Kári sagði að skorið hefði verið niður á Landspítala og í heilbrigðiskerfinu allt frá árinu 2003. „Þó að við höfum að minnsta kosti á pappírum átt að heita mjög rík þá""

Ég sé núna að þú ert flokksbundinn Sjálfstæðismaður. Af hverju krefur þú ekki flokkinn þinn svara?

[S i g u r ð u r S i g u r ð a r s o n, 22.9.2013 kl. 15:08]

Bestu þakkir fyrir athugasemdina, Tómas.

Það er rétt hjá þér að síðasta ríkisstjórn tók ekki við auðveldu búi, hún skilaði líka slæmu búi. Heilbrigðismálin voru ekki stór þáttur í verkefnum hennar þó velferðaráðherra þeirrrar ríkisstjórnar hafi tekist að setja launamálin í uppnám í Landspítalanum.

Nei, verkefni síðustu ríkisstjórnar voru ekki „ ... tiltekt eftir ríkisstjórnirnar sem á undan fóru ...“ Síður en svo og tómur misskilningur ef þú heldur það.

Vandinn var sá að ríkiskerfið fyrir hrun og þar með heilbrigðismálin tóku æ meira fé til sín. Síðan kemur hrunið og þá segja sumir í ljósi þeirrar vitneskju sem þeir hafa núna að við hefðum átt að gera hitt eða þetta sem ekki var gert.

Í heilbrigðismálum er nú bent á að fjármagn leysi ekki allan vanda. Auðvelt að vera í stjórnendastöðu og krefjast aukins fjár. Hversu lengi er það hægt?

Auðvitað kref ég stjórnmálamenn Sjálfstæðisflokksins svara, hef spurt þá út úr í mörg ár. Hins vegar var mér ekkert kunnugt um lyf sem byggjast á gamalli uppskrift. Vissi ekki einu sinni að slík væru í notkun.

Tómas, spurðu lækninn þinn um þau mál. Ég spyr minn.

Ég hlustaði á þáttinn og heyrði það sem Kári sagði um síðustu ríkisstjórn um ESB og það var beitt gagnrýni.

[Tómas, 22.9.2013 kl. 15:56]

Má vera að hún hafi skilað slæmu búi, en ég tel að það hafi þó verið skárra en það sem hún tók við. Það má deila um það, en ég hugsa við förum varla út í þá sálma hér :)

Má þó vel vera að hún hefði betur getað gert í ýmsum málefnum, til dæmis heilbrigðisgeiranum. Það má jú alltaf gera betur, en það má líka benda á að auðvelt er að dæma eftir á.

Ég mun líka spyrja þá lækna sem ég þekki og hitti, hvort það sé satt og rétt með lyfin.

Ég vona bara að núverandi ríkisstjórn hætti að beita sér fyrir málefnum ríkasta fólksins, og arðsemi útgerðanna, og fari að sinna þeim sem eiga bágt í samfélaginu - sjúkum og fátækum.

Ég óska ríkisstjórn hins besta, og vona að Ísland nái að rísa aftur á traustari fætur en raun bar vitni í lok síðasta áratugar.

(til að fyrirbyggja allan misskilning er ég hvorki bundinn Samfylkingu né VG á neinn hátt - auk þess sem ég er ekki búinn að gera upp hug minn varðandi ESB)

[Ásthildur Cesil Þórðardóttir, 22.9.2013 kl. 18:02]

Ríkisstjórnin sem fór frá í vor var skelfileg, vegna þess að hennar einasta laust var að koma okkur inn í ESB.  Sú ríkisstjórn hefði getað haft meirihluta landsmanna á bakvið sig, en klúðraði því big time, eins og kom í ljós í síðustu kosningum, þau hreinlega gáfu Sjálfstæðisflokknum og Framsókn völdin á silfurfati, og eru nú afar hjáróma að reyna að herja á þessari ríkisstjórn, með afar litlum árangri, því ég bara segi fyrir mig, ég fær hroll þegar ég hugsa um Samfylkingu og Vinstri græn. 

[S i g u r ð u r S i g u r ð a r s o n, 22.9.2013 kl. 18:46]

Tómas, svo ég tjái mig á sama hátt og þú þá er ágætt að það komi fram að ég er flokksbundinn Sjálfstæðismaður, kann því vel, en ég er langt í frá með þeim ríkari í samfélaginu, líklega frekar á hinum endanum. Það breytir hins vegar engu um skoðanir mínar.

Ásthildur hefur nú aldrei legið á skoðunum sínum og ég tek undir með henni þegar hún segist fá hroll vegna síðustu ríkisstjórnar.

[Anna Sigríður Guðmundsdóttir, 22.9.2013 kl. 21:42]

Það var mikil blessun, að síðasta ríkisstjórn tók ekki bara Jón Bjarnason af lífi. Guði sé lof fyrir að þau fóru heldur mildari og friðsamlegri leið, við að losa sig við þann ráðherra, sem stóð við stærsta kosningaloforð VG, sem var að ganga ekki í AGS/ESB.

Það vill svo undarlega til, að kjósendum og skattgreiðendum þjóðarinnar kemur það við, hvað er í gangi, þó málin séu smærri en ESB-aðlögun, með ó-bindandi þjóðar-skoðanakönnun í lokin.

Raunveruleikinn er víðs fjarri yfirborðinu á opinbera umræðu-grundvellinum.

M.b.kv.