Ríkisstjórn vonleysis hrökklast frá

„Ríkisstjórn hinna glötuðu tækifæra“ kallar Jón Baldur L'Orange fráfarandi ríkisstjórn. Það er réttnefni þó vantar að nefna að hún nýtti tækifærið til að efna til upplausnar og erfiðleika innanlands og raunar líka erlendis.

Farið hefur fé betra, má fullyrða. Heimilin í landinu, atvinnulausir, aldraðir, almennt launafólk  mun minnast þessarar ríkisstjórnar fyrir vonleysið. Margir halda því fram að hún hafi gert margt gott. Ég sé fátt. Hún sinnti að vísu bókhaldinu en fátt annað. Hún var vonlaus. 

Síðasti ríkisráðsfundurinn

Athugasemdir

[Baldinn, 23.5.2013 kl. 14:25]

Já, þetta "svokallaða hrun" var víst eitthvað að þvælast fyrir þeim

[S i g u r ð u r S i g u r ð a r s o n, 23.5.2013 kl. 14:27]

Bara svo það sé á tæru, þá varð hér efnahagshrun árið 2008. Á árunum 2009-2013 var hér vinstri stjórn og afleiðingarnar urðu nær jafnslæmar og af efnahagshruninu.

[Óskar, 23.5.2013 kl. 14:30]

Ótrúlegt bull í þér. Þessi ríkisstjórn tók við eftir efnahagslega kjarnorkuárás sjálfstæðisflokksins á landið, það var gjörsamlega allt í rúst sama hvert litið var. Þjóðin virðist hafa gert þær fáheyrðu kröfur að ríkisstjórninni tækist að skapa hér annað góðæri á aðeins 4 árum. Þrátt fyrir að ná fjárlagahallanum niður um 200 milljarða, verðbólgunni úr 20% í 4% og atvinnuleysinu verulega niður þá réðust niðurrifs- og afturhaldsöflin stanslaust á stjórnina og héldu mikilvægum framfaramálum í gíslingu á lokadögum þingsins. Þetta hyski kann ekki að skammast sín. Fráfarandi ríkissstjórn er hvarvetna hrósað fyrir stórvirki og afrek í glímunni við einhverja erfiðustu efnahagskreppu sem dunið hefur á Evrópsku ríki í seinni tíð, nema auðvitað á Íslandi. Fráfarandi ríkisstjórn skilar af sér góðu búi en það verður sko ekki sagt um aðstæðurnar sem hún tók við í og þú hlýtur að muna.

Hvað höfum við fengið í staðinn ? Jú silfurskeiðunga sem láta það verða sitt fyrsta verk að afnema veiðileyfagjaldið og þar með verður ríkissjóður af 50-60 milljörðum á kjörtímabilinu!

Nánast allt annað í þessu stefnulýsingarplaggi þeirra Bjarna og Sigmundar er loðið og óljóst,ekki neitt,,kannski seinna,, 20 nefndir skipaðar þó Bjarni hafi viðhaft frasann "aðgerðir strax engar nefndir" fyrir kosningar. Hreinn brandari og ekkert annað. Hvað í ósköpunum voru þessir menn að gera í sumarbústað í heila vikuk ? Ég hefði getað krotað þessa "stefnuyfirlýsingu" niður á hálftíma enda er hún ekki neitt og um ekki neitt. Þessi nýja ríkisstjórn er stjórn auðvaldsstétta og LÍÚ. Umhverfisráðuneytið lagt niður svo það þvælist ekki fyrir væntanlegum umhverfishryðjuverkum þessarar stjórnar. Eitthvað segir mér að þessi stjórn verði grýtt útúr alþingishúsinu löngu áður en kjörtímabilið er liðið.

[Baldinn, 23.5.2013 kl. 14:35]

Þessi ríkisstjórn sem nú fer frá gerði ýmislegt gott og annað ekki eins gott.  Ég kaus hana ekki þegar hún tók við og ekki heldur núna.  En menn sem aldrei hafa kosið annað en Sjalla og munu aldrei kjósa annað eru bara ekki marktækir til að að eiga umræðu við.  Þið eigið að halda ykkur við trúnna og reyna að skilja að pólitík er ekki trú.  Ég hef lesið margt að því sem þú hefur skrifað Sigurður og þú ert bara einfaldlega ekki marktækur af þessum ástæðum.

[S i g u r ð u r S i g u r ð a r s o n, 23.5.2013 kl. 14:35]

Þakka þér fyrir innlitið, Óskar. Þú ert enn við sama heygarðshornið, bölvandi og ragnandi, fúll á móti, og sérð ekki til sólar vegna þess að þjóðin sagði þínum mönnum upp störfum í stjórn landsins. Hlýtur að vera illt að sjá ekki glætu í tilverunni.

[S i g u r ð u r S i g u r ð a r s o n, 23.5.2013 kl. 14:37]

Er ég ekki marktækur vegna stjórnmálskoðana minna, „Baldinn“'? Og hvernig ætlarðu að koma í veg fyrir að ég haldi áfram að tjá mig á grundvelli þeirra, minn kæri?

[Baldinn, 23.5.2013 kl. 14:38]

Tek annars undir hér með Óskari í flestu sem hann skrifar en vona það besta með þessa ríkisstjórn

[S i g u r ð u r S i g u r ð a r s o n, 23.5.2013 kl. 14:40]

Sá er hins vegar munur á þér og Óskari. Það er nú ánægjulegt.

[Baldinn, 23.5.2013 kl. 14:40]

Að sjálfsögðu mátt þú tjá þig og það má ég líka.  Við erum þá sammála um að vera ósammála. Amen

[S i g u r ð u r S i g u r ð a r s o n, 23.5.2013 kl. 14:42]

Þú ert þá ekki sem verstur, „Baldinn“.

[Elle_, 23.5.2013 kl. 21:17]

En ég undanskil Jón og Ögmund, Sigurður.  Mennirnir voru bara í rangri stjórn.  Jón seinna rekinn fyrir að vera ekki nógu ósvífinn og Ögmundur átti það sannarlega á hættu allan tímann.  Hann vafalaust vissi það.  Og varð að vara sig ef hann ætlaði að geta komið e-u mennsku í verk.

[S i g u r ð u r S i g u r ð a r s o n, 23.5.2013 kl. 21:20]

Jón var á móti ESB. Virði hann fyrir það. Honum var líka sparkað. Ögmundur var tvístígandi varðandi ESB og í þokkabót gamall kommi, á móti atvinnulífinu. Stóð þó með Reykjavíkurflugvelli, má virða hann fyrir það. Skemmtilega að orði komist hjá þér Elli: að geta komið einhverju mennsku í verk. :-)

[Elle_, 23.5.2013 kl. 21:22]

Óskar, þú er kominn á ansi lágt plan, eins og Sveinn nokkur:
Þið með ykkar silfurskeiðar, sem koma engu við.  Ætli þið hafið lært þessi háfleygu rök saman að ráðast á fólk fyrir peninga foreldra þeirra?

[Elle_, 23.5.2013 kl. 21:27]

Já, Sigurður, 'mennsku' vísar þarna í haturspólitík stjórnarinnar.  En þú vissir það.