Margir staðir kyrrlátari en Landmannalaugar

Vissulega er fagurt í Landmannalaugum og þar er mikil náttúruparadís. Þær eru þó víðar á landinu en vandinn er sá að fjöldi staða hafa allt umfram Langamannalaugar nema einna helst húsaskjólið. Það skiptir öllu.

Auðvitað er hægt að tjalda en það er öðru vísi og slíkt gerir maður ekki lengi á sama stað.

Í Landmannalaugum er örtröð, eiginlega jafnt sumar og vetur. Þegar margt fólk dvelur þar á sama tíma fer oft lítið fyrir kyrrðinni. Einna helst er það þegar útlendingar dvelja þarna. Íslendingunum fylgir oft fylleríi og hávaði. Veturinn er auðvitað stórkostlegur til ferðalaga.

Ég mæli hins vegar með fáfarnari slóðum en Landmannalaugum ef sóst er eftir kyrrðinni.

Efri myndin er tekin við Námskvísl og er horft inn að Laugahraun og upp í Brennisteinsöldu.

Neðri myndin er tekin á Laugaveginum að vetrarlagi norðarlega í Almenningum. 

Kyrrðin heillar erlenda ferðamenn

Athugasemdir

[Landfari, 16.3.2013 kl. 10:55]

Er það ekki svolítið langsótt að tala um örtröð í Landmannalugum á vetrum. Kannski ein og ein helgi sem stendur undi þeirri nafngift en sumrin gera það vissulega.

[S i g u r ð u r S i g u r ð a r s o n, 16.3.2013 kl. 17:12]

Fullur skáli flestar helgar seinni febrúar, mars og apríl.

[Hrólfur Þ Hraundal, 16.3.2013 kl. 19:12]

Það átti aldrei að leifa byggingar í miðri vininni, hvorki í Landmannalaugum eða Herðubreiðarlindum.  Það er nóg pláss til að byggja á og útbúa tjaldstæði í grennd við þessar náttúru perlur sem nú vantar ekkert nema bensínstöð og pulsusjoppur til að verða eins og hvert annað Íslenskt  þorp.   Allt það sem var svo merkilegt við þessa örævastaði er nú niðurtraðkað.  Nenni ekki að segja meira í billi.