70% landsmanna eru á móti aðild að ESB

Kunna starfsmenn Samtaka iðnaðarins ekkert í almannatengslum? Óskiljanlegt er að birta svona frétt síðla dags á laugardegi. Afleiðing er sú að fréttin komast ekki inn í helgarblöð Morgunblaðsins eða Fréttablaðsins né heldur inn í fréttatíma Ríkisútvarpsins.

Samtök iðnaðarins hafa  lengi barist fyrir inngöngu landsins inn í ESB. Líklega kunna starfsmennirnir meira í almannatengslum heldur en virðist. Niðurstöður könnunarinnar eru neikvæðar og það er líklega ástæðan fyrir því að hún er birt á eins óáberandi hátt og mögulegt er.

Hefði könnunin sýnt meirihluta fylgjandi aðild hefðu Samtökin blásið í lúðra, haldið ráðstefnu (rukkað vel inn á hana), kallað til helstu forvígismenn iðnaðar í Evrópu og messað rækilega yfir fundargestum og blaðamönnum og gætt þess ekkert um könnunina færi framhjá landsmönnum og í þokkabót hefði verið gefinn út vandaður bæklingur um ósköpin og honum hefði verið dreift á öll heimili í landinu.

Engar upplýsingar eru gefnar um könnunina, aðeins stuttleg frétt á mbl.is og enn styttri á si.is. Hugsanlega er þetta könnunin frá því 19. febrúar en þá er hún nærri mánaðargömul og ekkert gagn af henni nema sögulegt.

Niðurstaðan er engu að síður sú að 70% eru á móti aðild að ESB. Það er gott. 

Meirihluti áfram andsnúinn aðild

Athugasemdir

[Anna Sigríður Guðmundsdóttir, 9.3.2013 kl. 23:41]

70% segja lygafjölmiðlar, sem ekkert er að marka!

Tækni og iðnmenntun eru ekki jafn mikils metnar greinar á Íslandi, eins og háskólamenntun. Það voru kynningar í tækniskólanum á Háteigsvegi og í háskóla Íslands í dag. Fjölmiðlar töluðu sjálfa sig í kaf um Háskóla Íslands, en ekki orð um tækniskólann.

Það er eitthvað mikið að í fjölmiðlaheimum. Vanþróaður fjölmiðlaheimur Íslands, sem ber þess merki að vera í ó-siðmenntuðu og fáfróðu bankamafíulandi.

M.b.kv.