Af hverju þorir Þór ekki?

Fljótfærni Þórs Saari er með endemum. Hann leggur fram vantrauststillögu á ríkisstjórnina en dregur hana til baka í fljótheitum vegna þess að hann hefur heyrt eitthvað um flýtimeðferð eða á henni sé formgalli.

Alþingi nýtur æ minni virðingar í þjóðfélaginu. Ljóst er að svona vinnubrögð hjálpa ekki. Hvað svo sem menn vilja segja um ríkisstjórnina þá ganga menn ekki til verka eins og Þór Saari. Kjörtímabilið rennur út eftir 65 daga. Af hverju þorir Þór ekki að láta slag standa? Hefur hann fengið tilboð sem hann getur ekki hafnað?

Þór dregur tillögu sína til baka

Athugasemdir

[Óskar Guðmundsson, 21.2.2013 kl. 10:43]

Með að taka hana fyrir á þriðjudag væri Atli kominn aftur og ljóst hvað "swing votes" myndu gera.

Aftur á móti með að rífa tillöguna strax fyrir þing gátu stjórnarliðar talið sér örugg 31 en ekki 30 og þá var of mikil hætta á að einhver einn yrði auð-keyptur.

[Ásthildur Cesil Þórðardóttir, 21.2.2013 kl. 10:59]

Nákvæmlega Óskar.  Þetta var pólitískt plott hjá ríkisstjórninni til að sleppa.  Brutu þar með þingsköp til að ná fram sínu, enda er það daglegt brauð hjá þessari aumu ríkisstjórn.

[Guðjón Sigþór Jensson, 21.2.2013 kl. 11:45]

Því miður er þessi framganga angi af þessum ámælisverðu átakastjórnmálum.

Ganga menn virkilega upp í því að líta á stórnmál eins og box?

Mér finnst að taka mætti upp betri og vandaðri vinnubrögð. Eða að öðrum kosti að gjaldfella starf þingmanna og ætli hálfir skúringataxtar séu ekki vel við hæfi?

[Samstaða þjóðar, 21.2.2013 kl. 11:59]

Tillaga Þórs um vantraust, skapaði ekkert vandamál fyrir ríkisstjórnina. Eina markmið Jóhönnu, er að sitja út kjörtímabilið. Það hefði hún gert þótt samþykkt hefði verið vantraust á hana á Alþingi.

Samkvæmt Stjórnarskránni er stjórnarform landsins lýðveldi, en ekki höfðingjaveldi. Stjórnarfarið einkennist vissulega af höfðingjaræði (þingræði), en þegar til kastanna kemur er það Stjórnarskráin sem ræður.

Ef vantraust verður samþykkt á ríkisstjórn Jóhönnu Sigurðardóttur vegna frumvarpsins um stjórnarskrá, verður frumvarpið einfaldlega dregið til baka og hugsanlegum þrýstingi aflétt af ríkisstjórninni.

Við munum sjá hvort Sjálfstæðisflokkur og Framsóknarflokkur meina eitthvað með tali um vantraust. Það er aumkunarvert að þessir flokkar skuli treysta á Þór Saari. Eini aðilinn sem getur slitið ríkisstjórnina af spenanum, er forseti Lýðveldisins.

Loftur Altice Þorsteinsson. 

[Óskar, 21.2.2013 kl. 13:53]

Sko ef menn ætla að flytja tillögu á þingi þá er lágmark að hún standist stjórnarskrá.  Þetta er í meira lagi neyðarlegt fyrir alla stjórnarandstöðuna og eiginlega bara sprenghlægilegt!   þór vill henda stjórnarskránni en nú er ljóst að annaðhvort hefur hann ekki lesið hana eða skilur hana ekki.   Ekki voru viðbrögð þeirra vafnings-og Kögunarbræðra skárri, gleyptu við agninu enda tækifærissinnar dauðas og geta ekki beðið eftir því að komast í kjötkatlana aftur til að klára að stela því sem hægt er að stela frá þjóðinni.  Það gekk nú ágætlega hjá þeim þegar þessir flokkar voru saman í stjórn síðast.  - Varla þarf að taka fram að þeir hafa engan áhuga á nýrri stjórnarskrá enda gæti þá sérhagsmunagæslan verið í uppnámi.

[S i g u r ð u r S i g u r ð a r s o n, 21.2.2013 kl. 13:57]

Óskar, hættu þessu. Vertu málefnalegur, þá nærðu miklu meiri árangri. „vafnings-og Kögunarbræðra“, „tækifærissinnar dauðans“.