Vinstri grænir að þurrkast úr í NV kjördæmi

Er þetta einhver brandari hjá Vinstri hreyfingunni grænu framboði? Stjórnmálaflokkur sem nær ekki meira en 139 manns til að kjósa í prófkjöri er illa staddur. Hann á greinilega ekki neitt erindi með framboð sitt og er við það að þurrkast út í Norðvesturkjördæmi.

Sá sem varð efstur í prófkjörinu fékk 65 atkvæði. Þetta er eiginlega hámark fáránleikans. Flokkurinn og frambjóðendur ná ekki einu sinni vinum og ættingjum á kjörstað. Allir eru farnir og nú eru aðeins þeir eftir sem ekkert hafa að fara, liðið sem hefur stutt svikin í ESB málinu, lagt á ráðin með árásum á landsbyggðina með fiskveiðistjórnarfrumvarpinu.

Svona fer fyrir flokkum sem svíkja stefnu sína. 

Lilja Rafney fékk 65 atkvæði

Athugasemdir

[Níels A. Ársælsson., 5.2.2013 kl. 11:37]

Höfundur hefur starfað sem ráðgjafi, meðal annars í atvinnumálum, í markaðsmálum og almannatengslum. Til að fyrirbyggja allan misskilning er hann flokksbundinn Sjálfstæðismaður.

Kemur ekki á óvart hver maðurinn er sem skrifar þennan haturs pistil.

[S i g u r ð u r S i g u r ð a r s o n, 5.2.2013 kl. 11:41]

Haturspistil ....?

[Sigurður Sigurðsson, 5.2.2013 kl. 13:27]

Hmmm 54 ógildir. 39% greiddra atkvæða. Dálítið mikið.

[S i g u r ð u r S i g u r ð a r s o n, 5.2.2013 kl. 13:29]

Já, eða afar flóknar prófkjörsreglur ... eða skilaboð til flokksins ...

[Kolbrún Hilmars, 5.2.2013 kl. 14:15]

Það þarf nú engan sérstakan illvilja - eða hatur - til þess að furða sig á þessum niðurstöðum.

Gild atkvæði 83 af 439 á kjörskrá gera 18.9%.

Sem bendir til þess að VG þurfi ýmist að endurskoða kjörskrá sína, kosningareglurnar eða hreinlega vinsældir sínar.

[Vilhjálmur Stefánsson, 5.2.2013 kl. 16:05]

Uppskeran hjá VG verður frekar rír að vori og sennilega kemur ekkert upp úr kjörkössum þeim til anda í kosningum í vor.....

[Marteinn Sigurþór Arilíusson, 5.2.2013 kl. 19:35]

Held að fáir gráti það sé fyrirsögnin á blogginu rétt.

[Óskar Helgi Helgason (IP-tala skráð) 5.2.2013 kl. 21:01]

Sæll Sigurður; sem og aðrir gestir, þínir !

Sigurður síðuhafi !

Vel; má Kommúnista drózin Lilja Rafney, snýta rauðu, hjá þeim Vestfirðingum - sem öðrum, í kjördæmi því, eftir hennar misgjörðir, á liðnum árum.

En; þér láðist að geta, sviksemi Kapítalistans, Einars Kr. Guðfinnssonar, gagnvart sínum sveitungum, sem öðrum, í Fimmtungnum, vestra.

Þar; fer ómerkur Úlfur í Sauðargæru, sem þóktist heldur ætla að taka til hendinni, kæmist hann til áhrifa, á sínum tíma.

Og; hversu mörg eru árin - sem kjörtímabilin, frá þeim svardögum, Sigurður minn ?

E. K. Guðfinnsson; minnir mig alloft, á Indverskan Fakír, með óbilandi sefjunar hæfileika, sé mið tekið af svefnhöfga frænda minna Vestfirðinga, gagnvart hans Gylliboðum, alla tíð; þér, - og ykkur öllum raunar, að segja.

Með beztu kveðjum; úr Árnesþingi /   

[S i g u r ð u r S i g u r ð a r s o n, 5.2.2013 kl. 21:51]

Takk fyrir innlitið, Óskar. Alltaf gaman að fá álit frá svona hressum og góðum manni. Þú færð mig alltaf til að sjá hlutina í öðru ljósi ... nema þetta með hann Einar Kr. Ég er búinn að þekkja hann frá því við vorum unglingar. Ég hef ekki alltaf verið sammala honum og verð það seint en það er oftast af málefnalegum ástæðum. Síst af öllu hefur mér fundist hann óheiðarlegur og aldrei skal ég taka undir slíkar ávirðinginar. Með innilegum kveðju úr landnámi Ingólfs.

[Gunnar Th. Gunnarsson, 6.2.2013 kl. 00:15]

Níels, er eitthvað hatur í því að benda á þessa hlægilegu niðurstöðu í prófkjöri VG?

Á máltækið "Sannleikanum er hver sárreiðastur" e.t.v. bið hér?