VG klúðrar málum hjálparlaust

Mér hefur Páll fundist vera geysilega öflugur og sterkur í andstöðu sinni og Heimssýnar gegn aðildinni að ESB. Vonandi kemur hann sér upp öðrum vettvangi til að tjá sig.

Líklega var það óþarfi að lýsa yfir hernaði gegn Vinstri grænum. Flokkurinn sér sjálfur um að koma sér niður í örflokksstærð, hluta til vegna afstöðunnar til ESB og hitt skrifast á stefnu flokksins gegn almenningi í landinu.

Þarf vart að nefna atvinnuleysið, skattaáþjánina, verðbólguna, verðtrygginguna, afstöðuna gegn gengistómum Hæstaréttar, andstöðuna gegn hagsmunum heimilanna, hernaðinn gegn byggðum landsins, stuðning flokksins við hernaðinn í Líbíu og svo margt fleira.

Hættur störfum hjá Heimssýn

Athugasemdir

[Emil Hannes Valgeirsson, 12.12.2012 kl. 01:06]

Það má ekki tala allt of illa um eina flokkin sem stendur vörð um náttúruna. Það duga heldur engin hókus pókus brögð í glímunni við að koma okkur upp úr fjármálaóreiðunni.

[Sólbjörg, 12.12.2012 kl. 07:02]

Sigurður og Emil varðandi VG sem náttúruverndarflokkur sem megi ekki tala illa um er ekki allt sem sýnist. Ég tel mig og alla þjóðina hluta af náttúrunni sem eina lífsheild og VG eru ekkert annað en náttúrugereyðingarflokkur sem stendur ekki með einu eða neinu.

Í stjórnartíð þeirra eru fréttirnar núna fyrir þessi jól: " Þörfin fyrir jólaúthlutun sjaldan verið meiri. Mikið atvinnuleysi, Margir eru utangarðs og vegna aðgerða stjórnvalda verði æ fleiri undir í lífsbaráttunni. Skorið af grunlifeyrir eldra fólks og öryrkja. Laun of lág og farlama fólki hent út af sjúkrahúsum."

Undrar ekki að Páll Vilhjálms sjái brýna þörf á að losna algerlega við tilvist VG.

[S i g u r ð u r S i g u r ð a r s o n, 12.12.2012 kl. 10:14]

Við eigum ekki að tala illa um neitt, en gagnrýna málefnalega.

[Emil Hannes Valgeirsson, 12.12.2012 kl. 11:27]

Já einmitt … náttúrugereyðingarflokkur! Er fólk sem talar svona marktækt?

En annars er oft auðvelt að gagnrýna stjórnvöld þegar hart er í ári. Það þurftu nú líka ýmsir aðstoð á árunum fyrir hrun þegar allt flóði í peningum.

[S i g u r ð u r S i g u r ð a r s o n, 12.12.2012 kl. 11:31]

Málefnin, gagnrýna málefnin og verklagið. Legg áherslu á það. Þegar hart er í ári er engin ástæða til að hlífa stjórnvöldum, sérstaklega þegar ekki er lögð áhersla á að vinna gegn atvinnuleysi, leiðrétta skuldastöðu heimilanna, leggja af verðtrygginua, fara eftir dómum Hæstaréttar um gengistryggingu og ekki síst uppbyggingu á atvinnulífi. Svo hart er í ári, kæri Emil, að skoðanakannanir sýna að 16.000 manns eiga á stundum erfitt með að kaupa í matinn. Þetta er mannskemmandi.

[Ásthildur Cesil Þórðardóttir, 12.12.2012 kl. 11:55]

Ég sé bara ekkert rangt við það að leggja til að VG falli út af þingi.  Ekkert frekar en menn tala um að Sjálfstæðisflokkur, Framsókn og Samfylking ættu ekki að eiga fulltrúa á þingi.

Það er orðið svo að það má ekki segja sannleikan eins og hann er, því alltaf eru einhverjir sem vilja breiða yfir það sem segja þarf.  Og það er að drepa lýðræðið í landinu því miður.

En það er nokkuð ljóst af þessu dæmi að Páll rís úr öskunni sem fuglinn fönix meðan Heimsýn fellur niður um æði mörg stig. 

Eða er það ekki rétt hjá mér að Heimsýn séu samtök allra flokka og manna sem vilja vera á móti ESB?  Og þegar einn flokkur sérstaklega sýnir okkur puttan svo augsýnilegla að undrun sætir, Hvað er þá rangt við að benda á það?

[S i g u r ð u r S i g u r ð a r s o n, 12.12.2012 kl. 11:59]

Gott innlegg, kæra Ásthildur.

[Emil Hannes Valgeirsson, 12.12.2012 kl. 12:08]

Úr fréttinni: „hann (Páll) skrifaði á Heimssýnarblogginu að verkefnið væri að koma VG niður fyrir 5% í næstu kosningum.“

Þetta hjá "Fuglinum Fönix" er einmitt algerlega gegn þeirr hugsun að Heimsýn séu samtök allra flokka og manna sem vilja vera á móti ESB.

[Ásthildur Cesil Þórðardóttir, 12.12.2012 kl. 12:37]

Á þá ekki að berjast gegn þeim flokkum og aðilum sem endilega vilja koma okkur inn í ESB með öllum ráðum?  Ef samtökin eru ópólitísk, þá sé ég ekki að það megi ekki taka úr þá flokka og félög sem hafa brugðist almenningi í landinu, sorrý meikar ekki sens fyrir mig.

Takk Sigurður.

[Emil Hannes Valgeirsson, 12.12.2012 kl. 13:10]

Þetta á þá ekki við VG því þeir vilja ekki koma okkur inn í ESB með öllum ráðum. Það er bara þannig, annað er óvandaður útúrsnúningur. Á sínum tíma þegar Ríkisstjórnin var mynduð var víðtækur stuðningur við aðildarviðræður t.d. hjá Sjálfstæðisflokki og Framsóknarflokki og fleiri framboða. Þetta er svo sem ekki auðvelt mál fyrir VG en það er og hefur aldrei verið stefna þeirra að ganga í ESB. Í dag er það fyrst og fremst Samfylkingin sem berst fyrir inngöngu.

Þjóðin mun hinsvegar ráða að lokum og fyrir okkur sem erum á móti inngöngu er í sjálfu sér er best að kjósa um þetta mál þegar allt liggur fyrir en þó sem fyrst, nú á meðan andstaðan er sem mest.

[S i g u r ð u r S i g u r ð a r s o n, 12.12.2012 kl. 13:15]

Þetta er rétt hjá þér Emil. Hins vegar er ljóst að allar niðurstöður liggja ljósar fyrir varðandi samninga við ESB nema tímabundnar undanþágur. Þær verða þó skiljanlega aldrei grundvöllur fyrir þjóðaratkvæðagreiðslu. Þar af leiðandi er dagurinn í dag allt eins góður fyrir þjóðaratkvæðagreiðslu eins og sá dagur er aðlögunarviðræðunum verður lokið.

[Sólbjörg, 12.12.2012 kl. 21:01]

Sæll Sigurður, varðandi málefnalega gagnrýni, leikur mér hugur á að vita hvað það er í athugasemd minni sem þér finnst ekki málefnalegt. Varla orðrétt upptalning haft eftir Ragnhildi Guðmundsóttur formanni Mæðrastyrksnefndar úr frétt á forsíðu moggans.

Hvernig er hægt að réttlæta stefnu sem fórnar fólki og börnum í bjargleysi og matarskort vegna þess að flokkurinn segist vera náttúruunnandi.

[S i g u r ð u r S i g u r ð a r s o n, 12.12.2012 kl. 21:12]

Fyrirgefðu, Sólbjörg. Athugsemd nr. 3 var skrifuð til vonar og vara ef Emil Hannes væri þeirrar skoðunar að ég væri ómálefnalegur gagnvart VG. Ég er dálítið viðkvæmur fyrir því að vera sagður vondur við einhvern, jafnvel VG. Finnst eftirsóknarvert markmið að komast upp yfir þrasið, ef þú skilur hvað ég meina.

Það sem þú hefur eftir formanni Mæðrastyrksnefndar er afar mikilvægt og á svipuðum nótum og ég hef skrifað um í langan tíma.

Atvinnuleysið er hrottalegt sem og miskunarleysið sem blasir við fólk sem á í erfiðleikum.

Munum að samkvæmt skoðanakönnunum frá því í síðasta mánuði eiga sextán þúsund manns stundum eða oft í erfiðleikum með að kaupa sér mat ... Það segir nú dálitla sögu um stöðu mála með VG í ráðherrastólunum.

[Sólbjörg, 13.12.2012 kl. 19:22]

Takk fyrir svarið Sigurður. Trúi því staðfastlega að bjartasta von þjóðarinnar sé þjóðin sjálf en til þess þurfum við sem flest að gera okkur grein fyrir hvað samtakamáttur okkar er sterkt afl. Þjóðin þarf líka að koma með lausnir, og við þurfum að vera upplýst til að vita hvað við viljum og hvernig það er framkvæmanlegt Það er varhugavertað treysta í blindni að stjórnmálamenn komi með allar lausnir.

Sjálfsvitund um eigin mátt og ábyrgð er líklegast sú bylting sem við og næstu kynslóðir þurfum að tileinka okkur og láta rödd okkar heyrast á staðfastan hátt.