Yfirborgarstjóri verður bæjarstjóri

Jón Kristinsson var kjörinn borgarstjóri í Reykjavík en hafði enga þekkingu til að gegna embættinu og þess vegna var Regína Ásvaldsdóttir ráðin til þess að vera borgarstjóri. Og hún gegndi þeim svo vel að staða bæjarstjóra á Akranesi mun án efa leika í höndunum á henni.

Verra er með Jón Kristinsson sem situr hnípinn eftir og hefur engu komið í verk síðan Regína hvarf á braut. 

Ráðin bæjarstjóri á Akranesi

Athugasemdir

[Anna Sigríður Guðmundsdóttir, 11.12.2012 kl. 18:38]

Hverju koma ráðherrar og forætisráðherra í verk ef þeir hafa ekki aðstoðarmann?

Hrannar B. Arnarsona hefur t.d. verið forsætisráðherra Íslands í nokkur ár, og enginn kaus hann í síðustu þingkosningum!

Í hvert skipti sem einhver reynir að gera lítið úr verkum Jóns Gnarr Kristinssonar, þá er sá hinn sami að gera lítið úr sjálfum sér.

Ég trú ekki að þú ætlir að feta sömu troðnu brautina í Sjálfstæðisflokknum og sumir af þessum gömlu Sjöllum. Þú ert bara of skýr og heill til að leggjast svo lágt að mínu mati.

En undirheimar pólitískra ofurafla eru víst verri en undirheimar kerfissvikinna eiturlyfjaneytenda, svo það er ekki von á góðu. Það sést bara toppurinn á spillingar-ísjakanum. Og þessi spillingar-ísjaki stjórnar flestum fjölmiðlunum.

Þess vegna verður fólk að vera gagnrýnið, og treysta á eigin dómgreind og næmni, en ekki pólitíska fjölmiðla.

M.b.kv.

[Már Elíson, 11.12.2012 kl. 19:16]

Sigurður, - Þarna fórstu yfir strikið og opinberaðir málefna-og andlega fátækt þína. Ég hélt um tíma að þú hefðir séð að þér og skammast þín fyrir síðasta skaðræðisbloggið þitt sem er að koma þér formlega út úr pólitík...(sjá forval)..

En, nei, þú sýnir enn að þú hefðir betur þagað og verið álitinn gáfaðri, en kaust að tala og taka af allan vafa um fyrir hvaða flokk og stefnu þú hefur í andlegri fátækt þinni, kosið þér.

Það eru að koma jól og taktu þér taki og settu þér áramótaheit um að hugsa fyrst, skjóta svo. - Láttu jafnvel lesa fyrir þig yfir fyrst svo þú valdir ekki frekari skaða á sjálfum þér.

[S i g u r ð u r S i g u r ð a r s o n, 11.12.2012 kl. 21:34]

Anna, ég hef nú svo oft skrifað um Gnarrinn (líklega 30 pistlar) að fjöldi fólks er án efa búinn að missa allt álit á mér. Ég hef því miður lítið álit á honum í sem borgarstjóra, get bara ekki að því gert. Þetta er ekkert pólitískt heldur dæmi ég hann af verkum hans og framkomu.

Veit ekki hvaða skaðræðisblogg þú ert að tala um Már. Hvað varðar meintar gáfur mínar, þá er líklega ekki út háum söðli að detta og andlega fátæktin ábyggilega á pari við þá veraldlegu. Ég er ekkert skárra en það sem þú sérð og lest. Hins vegar er bloggið mitt engin skyldulesning, langt í frá. Fjöldi fólks les það EKKI sér til heilsubótar ...

[Júlíus Guðni Antonsson, 12.12.2012 kl. 02:37]

Sigurður, láttu ekki taka þig úr jafnvægi þetta er þín skoðun og ég er ekki frá því að hún sé ekkert verri en hver önnur.

[S i g u r ð u r S i g u r ð a r s o n, 12.12.2012 kl. 10:16]

Bestu þakkir, Júlíus. Er að ná jafnvægi, ekki vanur því að aðrir en ég dragi gáfur mínar í efa svo ekki sé talað um andlega fátækt.