Svæfðu Samfylkinguna, maður

Haukurinn harði í Vinstri grænum, maðurinn sem hóstar þegar Steingrímur fær kvef, sá sem lemur að sjómannasið á andstæðingum sínum svo undan svíður, er ekki allur sem hann virðist. Hann á sér mildari hliðar sem fáir þekkja nema pólitískur andstæðingur hans, Illugi Gunnarsson.

Björn Valur Gíslason leikur á munnhörpu og syngur barnagælur. Hann gætir barna og minnimáttar, svæfir þá sem þreyttir eru og þurfa á hvíld að halda. Þetta er allt ákaflega mannlegt og áferðarfagurt.

En ég spyr fyrir hönd þjóðarinnar: Af hverju í andskotanum getur hann þá ekki svæft Samfylkinguna? Þjóðin er fyrir löngu búin að fá leið á henni ... og Vinstri grænum.

Svæfði Illuga við munnhörpuleik

Athugasemdir

[Anna Sigríður Guðmundsdóttir, 4.9.2012 kl. 22:01]

Þetta skýrir samheldni Illuga og Björns Vals, þótt þeir gefi sig opinberlega út fyrir að vera í sinn hvorum flokki. Svona eru leikritin uppsett á bak við tjöldin.

Ekki efast ég um að í báðum þessum drengjum finnast innst inni góðir strengir. En þeir strengir eru ekki aðgengilegir fyrir almenning þessa lands.

M.b.kv.

[Ingibjörg Guðrún Magnúsdóttir, 4.9.2012 kl. 23:49]

Jæja segðu Sigurður og ekki hefur honum tekist að svæfa óánægju raddir Þjóðarinnar með tónleik sínum...

Annars eru að koma kosningar og er ekki frekar sú lykt af þessum orðum hans...

Það er alveg ljóst að það verða breytingar eftir kosningarnar og útlitið er ekki bjart hjá VG eða Samfylkingunni þar...

[Sigurður Haraldsson, 5.9.2012 kl. 07:59]

Höfum við virkilega ekkert skárra en gjörspilltan Sjáfstæðisflokk til að taka við af Samfylkingunni og VG? Ef svo er þá er ílla fyrir okkur komið.

[S i g u r ð u r S i g u r ð a r s o n, 5.9.2012 kl. 10:21]

Þetta eru ótrúlega rætin orð miðað við að 36% landsmanna styðja Sjálfstæðisflokkinn og enginn annar hefur jafn marga starfandi innan sinna rað. Þeirra á meðal er ég. Vonandi telurðu mig ekki spilltan?