Danmörk og England á Íslandi

Skammt frá Hítará, vestan við Fagraskógarfjall, er örnefnið Danmörk. Á við sléttlendi austan við Barnaborgarhraun. Þetta vissi ég ekki en hitt vissi ég að efst í Lundareykjardal er bær sem heitir England. Þar er líka til Englandsflói og Englandshverir.

Skyldu aðrir staðir á Íslandi bera nöfn landa. ég veit svosem að ýmis örnefni benda til viðkomu fólks af ákveðnum þjóðernum. Nefna má Spönskunöf sem er við ósa Laxár, sunnan Skagastrandar. Sagan segir að þar hafi spænskir ræningar verið vegnir og dysjaðir. Í Reykjavík er auðvitað Frakkastígur. 

Man ekki eftir neinu öðru álíka, svona í fljótu bragði.

Bæti hér inn gamlli mynd, tók hana um 1982. Þarna er Fagraskógarfjall og Grettisbæli lengst til hægri. Líklega á örnefnið Danmörkvið brúna svæðið sem er lengst til hægri, við hraunið.

Athugasemdir

[Emil Hannes Valgeirsson, 5.6.2012 kl. 18:32]

Manni finnst að Grænland ætti að vera einhverstaðar, enda ágætis örnefni.

En það er gaman að koma í Grettisbæli sem er þarna á myndinni. Fór þangað eitt sinn þegar ég átti að vera í laxveiði.