Atvinnuleysi á vakt norrænnar velferðarstjórnar

Ekkert hefur gerst á þriggja ára valdatíma núverandi ríkisstjórnar. Atvinnuleysið er þjóðarharmleikur sem stjórnin vill ekki skilja eða getur ekki skilið. Það er enn óbreytt.

Rekur einhvern minni til að árlegrar ræðu Jóhönnu Sigurðardóttur um, forsætisráðherra, sem heldur því statt og stöðugt fram að svo óskaplega margt sé í pípunum. Fjárfestingar og svoleiðis ... 

Atvinnuleysið kostar ríkissjóð árlega um 20 milljarða króna og er þá ekki tekið til tapaðra skatttekna, tekjur upp á um 50 milljarða króna.

Hvað er eiginlega að þessari ríkisstjórn? 

Í frétt Morgunblaðsins í morgun er frétt um atvinnuleysi og fjölda fólks á vinnumarkaði og er stuðst við tölur frá Hagstofunni. Í fréttinni segir m.a.:

Leitni atvinnuleysis leiðir í ljós að sl. 12 mánuði hefur atvinnulausum fækkað tiltölulega jafnt eða um 1.500 manns yfir tímabilið. Ekki er þó hægt að greina miklar breytingar á leitni fjölda atvinnulausra ef litið er aftur til síðustu þriggja mánaða.

Ekki er því furða þó Helgi Sigurðsson, skopmyndateiknari Morgunblaðsins, birti meðfylgjandi mynd í blaðinu í dag. Á meinlegan hátt lýsir hann aðgerðum ríkisstjórnarinnar vegna „glufu“ á gjaldeyrishöftunum. 

Hörður Ægisson, blaðamaður morgunblaðsins, segir í stuttum pistli í viðskiptakálfi blaðsins í morgun:

Það nálgast orwellíska misnotkun á tungumálinu þegar Seðlabankinn heldur því fram fullum fetum að gjaldeyrishöftin hafi verið hert enn frekar í því augnamiði að auðvelda afnám þeirra. Svart verður hvítt. 

...

Í stað þess að eyða tímanum í tilgangslaust karp um aðild að ESB og upptöku evru – sem yrði aldrei að veruleika á þessum áratug – þá er orðið brýnt að hugsa upp nýjar leiðir til að afnema gjaldeyrishöftin. 

Athugasemdir

[Magnús Helgi Björgvinsson, 15.3.2012 kl. 10:25]

Og hvað nákvæmlega vildir þú að þessi stjórn mundi gera til að auka atvinnu? Kannski skapa hjá ríkinu 12,600 störf? Og hvaðan ætti að taka þá peninga?  Eigum við að neyða fjárfesta hingað til lands og setja þá í gíslingu þar til að þeir hafi lofað að leggja fram milljarða í fjárfestingar?  Ríkið er rekið með halla í dag, á að aflétta öllum sköttum á fjárfestingar og hækka þá tekjusskatt fólks á meðan?  Hefur reynst okkur vel að fara í risaverkefni eins og Kárahnjúka og Reyðarál á stuttum tíma?  Nei kostaði okkur verðbólguskot og þennslu sem m.a. veldur því að Íbúðalánssjóður situr uppi með um 300 íbúðir á Austurlandi.

Bendi á að við inngöngu í ESB og upptök Evru þá yrði gjaldeyrishöftum aflétt, gjaldeyrissjóður þyrfti ekki að vera nema bort af því sem hann er í dag. Hingað kæmu fyrirtæki í auknu mæli og hér myndi koma upp almennileg samkeppni sem myndi lækka vöruverð til almennings sem bæði vegna þess hefði aðgang að lánum með hagstæðum vöxtum hjá nýjum bönkum sem myndi auka samkeppni og bæta kjör á lánum.  Vöruverð í Svíþjóð lækkaði um 25 til 30% við það að ganga í ESB.  Við þá lækkun hefði fólk mun meira handana á milli sem myndi auka neyslu sem sem kallaði á fjárfestingar. 

[S i g u r ð u r S i g u r ð a r s o n, 15.3.2012 kl. 10:36]

Þakka þér fyrir innlitið Magnús. Ríkisstjórnin gerir ekkert til að opna landið fyrir fjárfestingum. Þvert á móti er það lokað m.a. með gjaldeyrishöftum. Krónan er ekkert vandamál, við þurfum ekki Evru frekar en Svíar. Engar fjárfestingar eru í landinu. Ríkissjóður er tómur þrátt fyrir að ofskatta fyrirtæki og almenning. Ekkert hefur breyst á þriggja ára valdatíma þessarar ríkisstjórnar þrátt fyrir ofsköttun. sú fjarstæðukennda hugmynd að taka upp Evru reddar engu í dag. Undirbúningurinn tekur tíu ár, þá verða án efa fleiri flúnir til útlanda en þú og aðstaðan hérna heima í enn meira lamasessi.