Lennon fékk að spila með Ringo

Nú skal ég ekki mótmæla því að John Lennon var merkur tónlistarmaður, enda hefði hann annars ekki fengið að spila með Ringo öll þessi ár, en á því hljóta þó að vera einhver takmörk hversu lengi ágæti hans getur haldið ekkju hans og tiltækjum hennar fréttnæmum.

 

Þetta er skemmtilegasta tilvitnun dagsins enda er frábærlega að orði komist af mörgum ástæðum sem ég ætla þó ekki að tíunda. Hún er úr grein eftir „Ljósfælinn Reykvíking“ í Velvakanda Morgunblaðsins á bls. 35 í dag.

 

Og sá ljósfælni heldur áfram og er álíka háðskur og áður:

 

Ljósgeisli úr Viðey, til að fá menn til að hugleiða heimsfrið? Innst inni hljóta nú einhverjir að hafa fengið bakþanka um þessa hugmynd. Í alvöru talað, þá verður einhvern tíma að byrja að ræða hversu lengi þessu á að halda áfram. Dagur og Jón Gnarr eru einmitt réttu mennirnir til að standa fyrir þeirri umræðu. Alvörumenn á réttum stað. Gætum ekki haft borgina í betri höndum. 

Athugasemdir

[Dexter Morgan, 15.10.2011 kl. 11:49]

Þvílíkt bull. Lennon var snillingurinn, Ringo "fékk" að teika hann og fleiri góða tónlistarmenn. Hugsið um það, þegar Ringo er allur, hvort eigum við eftir að muna eftir: Ringo eða Lennon.

[S i g u r ð u r S i g u r ð a r s o n, 15.10.2011 kl. 12:57]

Held að þú hafir ekki fattað húmorinn, Dexter Morgan. Enda er hann lúmskur.