Hvenær er nauðungaruppboð löglegt?

Ríkisstjórninni hefur mistekist flest sem máli skiptir. Ég hef skrifað gegn henni frá upphafi, hef ekki nokkra trú á að vinstri stjórn getið stjórnað á landinu, almenningi til hagsbóta. Það hefur komið á daginn. En ég er pólitískur en nú er svo komið að jafnvel hinir ópólitísku eru reiðir út í ríkisstjórnina og stuðningsmenn hennar fela sig.

Ein sú óvægnasta og harðasta gagnrýni sem ríkisstjórnin kom í gær frá Marínó G. Njálssyni, sem var í stjórn Hagsmunasamtaka heimilanna. Fyrir alla muni fylgist með því sem þessi ágæti maður skrifar.

Á afskaplega málefnalegan hátt hefur hann gagnrýnt ríkisstjórnina. Ég leyfi mér hér að taka upp síðasta blogg Marínós (http://marinogn.blog.is) og birta hérna. Ég er fyllilega sammála honum. Þarna fær hin illræmda ríkisstjórn Íslands verðskuldaðan rasskell:

Mér þykir leitt, en ég verð að segja það:

Við sögðum að þetta myndi gerast.

Flumbrugangur stjórnvalda hefur gert það að verkum, að þúsundir heimila munu missa eignir sínar á nauðungarsölu og einstaklingarnir sjálfir fara í gjaldþrot.  Vissulega eru tilfelli þar sem þetta hefði verið niðurstaða, hvað sem hefði verið gert, en að þúsundir á þúsundir ofan skuli vera að horfa á eftir eignum sínum á nauðungarsölur, þar sem stjórnvöld hafa neitað að leiðrétta stökkbreytingu lána heimilanna (og fyrirtækja) sem orsökuðust af svikum, lögbrotum, prettum og fjárglæfrum fjármálafyrirtækja í undanfara hrunsins. 

Í reynd er það stærsti glæpurinn sem hefur verið framinn, að líta á illa fengna hækkun lána sem réttmæta eign lánadrottna.  Meira að segja í Bandaríkjunum, þar sem fjármagnið stjórnar öllu, hafa menn áttað sig á, að það er óréttlátt að heimilin beri þungann af fjárglæfrum fjármálafyrirtækjanna.  En hér á landi, þá skjálfa Steingrímur J og Árni Páll eins og hríslur í vindi yfir mögulegum, já, mögulegum, málaferlum kröfuhafa.

Kröfuhafa sem eru margir hverjir ekki upprunalegir eigendur krafna á hrunbankana, heldur keyptu þær á skít á priki af tryggingafélaginu, sem greiddi upprunalegum eigendum út kröfu sína fyrir langa löngu.

Þetta er sami Steingrímur sem hefur í gegn um tíðina lamið á hverri ríkisstjórninni á fætur annarri fyrir linkind og rolugang.  Hafa minnst 6 formenn Sjálfstæðisflokks, Samfylkingar og Framsóknarflokks fengið að heyra reiðilestur Steingríms, en nú kemur í ljós að hver er sér næstur.  Mesta rolan af öllu reynist Steingrímur sjálfur.  Honum finnst hið besta mál að fórna almenningi í landinu svo ótilgreindir kröfuhafar banki nú ekki hugsanlega upp á hjá honum og stefni honum mögulega fyrir dóm. 

Svo er ekki úr vegi að geta eins manns sem leggur orð í belg á athugasemdasíðunum hjá Marínó. Þar spyr Guðmundur Ásgeirsson (Guðmundur bloggar á http://bofs.blog.is):

Hvenær er nauðungaruppboð löglegt? Ég þori að veðja að engin þessara 175 hafa verið það! 

Athugasemdir

[Gunnar Heiðarsson, 14.8.2011 kl. 22:41]

Það var ágæt úttekt á þessu máli í fréttaþættinum "60 minutes", en einmitt sá þáttur var sýndur á stöð 2 nú í kvöld. Það var virkilega fróðlegt að sjá.

[S i g u r ð u r S i g u r ð a r s o n, 14.8.2011 kl. 22:58]

Hefði verið gaman að sjá þáttinn. Er því miður nýhættur með Stöð2, finnst hún ekki nógu góð við mig og aðra neytendur.

[Guðmundur Ásgeirsson, 15.8.2011 kl. 15:25]

Sæll Sigurður, og takk fyrir að geta hér um skrif mín. Ég sit nú í stjórn Hagsmunasamtaka Heimilanna, sem er ein af ástæðum þess að ég er að fjalla um þetta og vil vekja athygli á því sem víðast.

Sjá færsluna mína: Hvenær er nauðungaruppboð löglegt? - bofs.blog.is

[S i g u r ð u r S i g u r ð a r s o n, 15.8.2011 kl. 15:28]

Sá bloggið þitt eftir að hafa sett mitt inn. Mjög áhugavert. Væri gaman að vita hvernig staðið er að þessum málum hér á landi.

Stend hiklaust með Hagsmunasamtökunum. Vandinn hjá ykkur er framsetningin og áróðurinn. Mættuð gera betur í þeim efnum.

[Guðmundur Ásgeirsson, 15.8.2011 kl. 18:25]

Í greinini minni er ég einmitt að lýsa því hvernig að þessum málum er staðið hér á landi. Það bendir margt til þess að flestar nauðungarsölur nýju bankanna séu ólöglegar, og einkarekin fyrirtæki úti í bæ eru enn að stunda gertæki með ólöglegum vörslusviptingum á bílum og tækjum.

Þakka stuðningin við HH. Ef þú hefur hugmynd um hvernig við gætum bætt áróðurinn og framsetninguna væru þær vel þegnar.