Hvar í Esjunni?

Gott er að Landhelgisgæslan bjargaði tveimur mönnu frá Esjunni. En klettar hennar eru margir og þeir eru víða. Sumir eru brattir, aðrir ekki. Víða er hátt upp í þá, annars staðar liggja þeir lægra. Frá höfuðborgarsvæðinu sjást ekki allir klettar Esju, þeir eru nefnilega líka norðan megin. 

Ekki í fyrsta sinn klikkar Mogginn minn á landafræðinni. Hjá Landhelgisgæslunni liggur ljóst fyrir hvar mennirnir lentu í sjálfheldu. Er ekki í lagi að segja frá því? Esjan er gríðarstór og margir hluta hennar bera nöfn.

Mönnunum bjargað

Athugasemdir

[Emil Hannes Valgeirsson, 21.6.2011 kl. 20:44]

Mér sýnist þessi skafl geta verið í klettabeltinu milli Þverfellshorns og Gunnlaugsskarðs. En ég er sammála um að staðsetningin hefði mátt fylgja fréttinni.

[S i g u r ð u r S i g u r ð a r s o n, 21.6.2011 kl. 20:51]

Þekki þetta klettabelti. Það sem skilur það frá því sem er fyrir vestan Þverfellshorn er að klettarnir eru hærri og dálítið um klifur þarna. Vestanmegin er auðveldara að fara bæði upp og niður. Blaðamenn verða að skilja að landafræðin skiptir lesendur afar miklu máli.