Stjórnvöld í Þýskalandi vita ekkert

Fréttaflutningur af kólígerlasýkingunni í Þýskalandi virðist benda eindregið til þess að stjórnvöld viti ekkert um uppruna hennar. Fyrst var agúrkur og tómatar frá Spáni sagði smitberar en Spánverjar ætluðu ekki að láta Þjóðverja kenna sér um og hótuðu málsókn.

Það lá því beinast við fyrir Þjóðverja að finna blóraböggul innanlands og hann fannst í miklum flýti. Þeir völdu baunaspírur, líklega vegna þess að salan í þeim er minni en í öðrum tegundum grænmetis. Því miður var hamagangurinn svo mikill að ekki reyndist mögulegt að sanna áburðinn á þann framleiðanda sem valinn var til að taka skellinn.

Stjórnvöld vita ennþá ekkert í sinn haus um uppruna sýkingarinnar. Þessi staðreynd er dálítið uggvekjandi fyrir heimamenn og ekki síðar aðra.

Kólígerlar ekki á baunaspírum

Athugasemdir

[Che, 6.6.2011 kl. 15:02]

Það er rétt, að það á ekki að koma með yfirlýsingar fyrr en í fyrsta lagi að allir samnefnarar, sem tengja fólk sem hefur sýkzt, hafi verið fundnir og síðan þegar gerlarannsóknum á öllum þessum samnefnurum er lokið, að ótvíræð niðurstaða sé fengin. Reynslan hefur sýnt, að uppspretta sýkingar er oft allt önnur en sú sem fyrst var álitin.

Hins vegar hefur líka komið fyrir að yfirvöld hafa haft rétt fyrir sér, en ekki getað leyst málið vegna þess að mælingar annarra (ekki óháðra) eftirlitsaðila hafa verið rangar eða falsaðar.

En það kemur ekki á óvart að Þjóðverjar skyldu byrja á því að kenna öðrum þjóðum um. Svona eru þeir, halda að þeir séu sjálfir svo fullkomnir. Raunin er sú, að af öllum ESB-löndum hefur Þýzkaland átt hálfgert met í útflutningi sýktra og úldinna matvæla (kjötvara). T.d. er salmonella í kjúklingum og svínum landlæg í Þýzkalandi og lítið gert til að uppræta hana.