Lögsækja Breta og samþykkja Icesave?

Dálítil þversögn í því fólgin að mikill meirihluti vilji lögsækja Breta fyrir að hafa beitt hryðjuverkalögum um leið meirihlutiinn vil samþykkja Icesave samninginn.

Þetta er sá samningur sem varð til með þvingunum og ofríki. Bretar töldu örþjóð í norðri vera svo hættulega að beita þurfti sömu lögum á hana og notuð eru til að verjast vopnuðum samtökum sem skirrast ekki við að fórna mannslífum í þágu öfgafulls málstaðar.

Og þáverandi fjármálaráðherra Breta sagði í dæmalausu viðtali í ríkissjónvarpinu að þeir hafi beitt hryðjuverkalögunum vegna þess að þau voru svo handhæg ... Og fréttamaninum fannst þetta vís greinargott svar. 

Ef meirihluti þjóðarinnar er þeirrar skoðunar að lögsækja skuli Breta fyrir beitingu hryðjuverkalaga á ætti hann að hafna Icesave samningnum.  

86% vilja fara í mál við Breta

Athugasemdir

[Steinar Þorsteinsson, 27.3.2011 kl. 10:15]

Hjartanlega sammála þér.

[Ingibjörg Guðrún Magnúsdóttir, 27.3.2011 kl. 10:24]

Já ég er líka hjartanlega sammála þér.

[Svavar Bjarnason, 27.3.2011 kl. 10:45]

Þetta eru óskyld mál. Ég ætla að segja já við ICESAVE og eftir að sú niðursta er fengin, vil ég að við förum í mál við Breta út af hryðjuverkalögunum.

Sem sagt; klárum fyrst Icesave og síðan í mál.

[Aðalbjörn Steingrímsson, 27.3.2011 kl. 11:31]

Sammála Svavari !!

[Helga Kristjánsdóttir, 27.3.2011 kl. 11:31]

Klára!? Klárar aðeins með NEI-i

[Ingibjörg Guðrún Magnúsdóttir, 27.3.2011 kl. 12:17]

Svavar hver er að plata þig...

[Jón Lárusson, 27.3.2011 kl. 14:26]

Svavar og Aðalbjörn eru augljósustu dæmin um þá sem vilja samþykkja Icesave, án þess að hafa hugmynd um það hvað stendur í samningnum.

Það er einfaldlega þannig að í Icesave samningnum kemur skýrt fram að Íslendingar falla frá öllum kröfum á Breta vegna beitingu hryðjuverkalaganna.

Málið er ekki flóknara en svo, að með samþykkt Icesave, er þjóðin um leið að samþykkja hryðjuverkalögin. Allt tal um að samyþykkja Icesave og fara svo í mál við Breta, er byggt á þekkingaleysi. Legg til að þeir hinir sömu lesi samninginn áður en þeir gera upp hug sinn.

Ef menn vilja meina að þetta sé marklaus klausa, þá kemur líka fram í samningnum að við föllum frá fullveldi Íslands og afsölum lögum og rétti til Breta og Hollendinga. Þannig að öll túlkun verður þeim í hag.

[Guðmundur Ásgeirsson, 27.3.2011 kl. 16:40]

IceSave er sakamál, og núna eru bresk stjórnvöld loksins byrjuð að sinna skyldum sínum við rannsókn þess.

Í millitíðinni væri fullkomið ábyrgðarleysi að skuldbinda sig fyrirfram við einhverja tiltekna niðurstöðu.

Eina skynsamlega ákvörðunin að svo stöddu er að merkja skilmerkilega við NEI þann 9. apríl næstkomandi.

Næst getum við svo haldið þjóðaratkvæðagreiðslu um hvort það eigi að fara dómstólaleiðina. Gegn Bretum!

[Ásthildur Cesil Þórðardóttir, 27.3.2011 kl. 17:05]

Já ég á eiginlega ekki orð yfir þennan kjánaskap eða ef til vill barnaskap að trúa öllu sem að manni er rétt.  Icesave og ESB eru nákvæmlega partur af sömu sögu.  Það þarf enginn að halda neitt annað.  Það sagði m.a. Atli Gíslason, og hann var innanbúðarmaður í stjórninni, okkur er einfaldlega ekki sagt nema hluti af sannleikanum.  Ég hef líka heyrt að partur af ESB umsókninni sé tengd því að við samþykkjum Icesave. 

[Jónas Jónasson, 27.3.2011 kl. 18:59]

Sammála... ég trúi því ennþá að meirihluti Íslendinga sé skynsamur og segi NEI...

[Magnús Ragnar (Maggi Raggi)., 27.3.2011 kl. 23:29]

Að minnsta kosti þá tel ég mig nógu skinnsaman til þess að segja eins mörg "Nei" og ég get sett á seðilinn. Enn gallinn er bara sá, maður getur bara svarað einu sinni. Enn vonandi hefur þjóðin vit á því að segja stærsta "Nei!!!" veraldar, þannig að Bretar og Hollendingar verða gjörsamlega heyrnalausir eftir okkar ákvörðun. Þannig stöndum saman og sendum Icesave til dómstóla, og það strax!!! Enn að minnstakosti 9. Apríl, þá kemur allt í ljós.

[Elle_, 27.3.2011 kl. 23:30]

Dæmalaust ótrúlegt að nokkur maður skuli vilja kúgunarsamning.  Og halda að við klárum málið með að sættast á það.  Orðalagið klára málið er farið að hljóma hjákátlegt yfir meininguna að játast undir kúgun og ekkert minna.  Skil heldur ekkert í að ICESAVE-STJÓRNINNI hafi ekki enn verið stefnt vegna ICESAVE.  Þarna eru blekkingar á fullu undir pistli um ICESAVE:
http://halldorjonsson.blog.is/blog/halldorjonsson/entry/1153960/

[Magnús Ágústsson, 28.3.2011 kl. 05:41]

Thetta er rett hja ther Jón Lárusson, 27.3.2011 kl. 14:26

vid verdum ad kjosa Nei annars erum vid buin ad vera sem fullvada thjod

[Jóhann Ingi Kristinsson, 28.3.2011 kl. 10:03]

Ég er hjartanlega sammála þér, Sigurður. Fjárglæframennirnir eiga veskú að borga IceSaveskuldirnar sjálfir, af því að þeir stofnuðu til þeirra!!!

[S i g u r ð u r S i g u r ð a r s o n, 28.3.2011 kl. 10:11]

Hörður Hilmarsson, framkvæmdastjóri IT, ferða skrifar góða grein í Morgunblaðið í dag, 28. mars. Í henni segir hann:

„Til viðbótar ofangreindu þá get ég aldrei samþykkt Icesave-skuldbindingar af persónulegum ástæðum. Ég var einn af fjölmörgum Íslendingum sem töpuðu áratuga sparnaði við hrun íslenska bankakerfisins. Mitt sparifé var geymt á reikningi sem að sögn Landsbankans var 100% öruggur. Bankinn rændi af mér 1/3 þessa sparnaðar. Á ég bæði að kyngja því og í kjölfarið borga skuldir sem til eru komnar vegna starfsemi sama banka í útlöndum?“

Þetta er sjónarhorn sem lítt hefur komið fram í fjölmiðlum og við hljótum að hafa samúð með.

[Magnús Sigurðsson, 28.3.2011 kl. 11:55]

Ég get tekið undir með Herði Hilmarssyni.  Minn lífeyrissjóður var Íslenski lífeyrissjóðurinn vistaður í Landsbankanum.  Ég valdi leið 4 árið 2006 sem átti að vera 100% örugg, baktryggð með ríkisskuldabréfum ætluð fyrir þá sem ekki tæku áhættu en sættu sig við lága vexti. 

Vörsluaðili sjóðsins, Landsbankinn, keypti ekki ríkisskuldabréf eins og reglurnar sögðu til um, heldur skuldabréf í Samson og Baugi, þar með tapaðist 1/3 af þeim lífeyrissparnaði sem mér var skylt að láta 12% tekna minna renna til samkvæmt íslenskum lögum. 

Það er hrollvekjandi að sitja uppi með stjórnvöld sem leggja ofur áherslu á að ganga frá fullnaðar uppgjöri á icesave en láta sig engu varða hvort réttlætið nái fram að ganga á Íslandi.