Þau þrjú ætla ekki að fella stjórnina

Ásmundur Einar Daðason, þingmaður VG, er samherji Atla Gíslasonar og Lilju Mósesdóttur. Enginn munur á viðhorfi þessara þriggja og í sjálfu sér undarlegt að hann hafi ekki fylgt þeim úr þingflokknum.

Þegar nánar er skoðað kemur hins vegar allt annað í ljós. Brotthvarf tvímenninganna var í raun yfirlýsing þeirra fyrir hönd grasrótarinnar í flokknum um að hann væri á kolrangri leið í svo mörgum málum og þrátt fyrir tveggja ára ríkisstjórnarsetu hefur ekkert gerst. Mistökin eru of mörg. Atvinnuleysið er of hátt, Icesave vofir yfir, ESB, óánægja er með Bankasýslu ríkisins og fleira og fleira. 

Þau tvö, eða ætti ég að segja þrjú, ætluði ekki að fella ríkisstjórnina. Þeim hugnast ekki óvissa um stjórnarþátttöku og búast jafnvel við stjórnarandstöðu falli ríkisstjórnin. Það varð því niðurstaðan að skilja króann eftir. Þess vegna fóru þau ekki þrjú úr flokknum. En síðan er bara spursmálið hvort hann klofni ekki og tveir ráðherrar fylgi Ásmundi úr flokknum.

Það er borin von að VG sé stjórntækur flokkur. Til þess er hann of sundurleitur og óstýrlátur. Í eðli sínu er hann stjórnarandstöðuflokkur. Þegar þannig flokkur kemst í ríkisstjórn endar allt með ósköpum vegna þess að hann getur ekki einu sinni farið eftir eigin stefnumálum.

Ásmundur áfram í þingflokki VG

Athugasemdir

[Ásthildur Cesil Þórðardóttir, 22.3.2011 kl. 16:58]

Getur verið rétt kenning hjá þér. En yfirlýsingar Össurar um að ótrautt verði haldið áfram með ESB ferlið sem nú er komið í ljós að er aðlögunarferli en ekki umsókn, hlýtur að setja Ásmund Daða og fleiri í skotgrafirnar. Af hverju í ósköpunum salta þau ekki þessar ESB viðræður sínar og aðlögunarferli til að friða þjóðina? Mér er það hulin ráðgáta,nema þau hafi ofurselt sig einhverskonar skilmálum frá ESB sem þau ráða ekki við.

[S i g u r ð u r S i g u r ð a r s o n, 22.3.2011 kl. 17:02]

Sæl, Ásthildur. Þetta með ESB umsóknina virðist vera eitthvað allt annað en lagt var upp með. Friða þjóðina, það skiptir máli. Hins vegar ekki sama hvernig það er gert. Besta leiðin er að láta verkin tala, en þessi ríkisstjórn ræður ekki við verkefni sín.

[Jón Sveinsson, 22.3.2011 kl. 17:08]

Það virðist að ESB Viðræður og Icesave sé hnoðað saman getur verið að búið sé að borga einhverjar svimandi upphæðir inn á Icesave sem má ekki koma í ljós þess vegna hangir stjórnin maður bara spyr.

[Gunnlaugur I., 22.3.2011 kl. 18:26]

Hrokinn og yfirlætið í Össuri.

Sem er marg staðinn að því að ljúga út og suður um þessa ESB umsókn og framgang hennar.

Talar tungum tveim eða þremur. Hefur einnig í stjórnsýslu sinni vegna ESB umsóknarinnar vaðið yfir sjónarmið annarra og farið freklega inná stjórnsýslulegt valdsvið Sjávarútvegs- og landbúnaðarráðherra til að láta hlutina líta betur og öðruvisi út en þeir í raun eru.

Talar svo mærðarlega í fínu gylltu sölunum í Brussel yfir Valda-Elítunni þar um hvað öll þjóðin standi þétt að baki honum og ESB umsókninni.

Sannleikurinn er sá að samfylkingin er algerlega einangruð í þessari ESB þráhyggju sinni og hvorki aörir flokkar né fólkið í landinu stendur með þeim í þessu rugli.

Þessi ESB umsókn hefur gjörsamlega sundrað þessari þjóð meira og verr en nokkuð annað í lýðveldissögu þessarar þjóðar og það á einum versta tíma í sögu hennar.

Ég trúi ekki öðru en að brátt sverfi til stáls og þeir Ásmundur Einar Daðason og Jón Bjanason og jafnvel Guðfríður Lilja líka setji Ríkisstjórninni alvarlega stólinn fyrir dyrnar og þá aðallega og sérstaklega í þessu ESB máli. 

[Sleggjan og Hvellurinn, 23.3.2011 kl. 09:03]

Esb eða ekki...  það er ekki stæsta málið.

Það þarf að koma hjólum atvinnulífsins af stað og minnka þetta atvinnuleysi og fátækt.

Og VG er ekki rétti flokkurinn til þess.