Myndir af lóninu í dag og fyrir þrem vikum

Gígjökulsmigan stendur undir nafni. Svo til ekkert vatn er í henni, raunar virðist það vera minna en þegar lónið var og hét og Jökulsáin rann niður á Markarfljótsaura. Varla virðist vera neitt vandamál að aka yfir miguna. 

Á meðfylgjandi mynd frá vefmyndavél Vodafone má sjá hvílíkt magn efnis hefur fyllt upp í gamla lónið. 

Hér er svo til samanburðar þriggja vikna gömul mynd úr vefmyndavélinni. Þá var eitthvað minni virkni í gosinu, þó það hafi bara verið um tveggja daga gamalt.

Þarna höfðu komið niður tvö gífurleg flóð, langmestur hluti þess efnis sem fyllti upp í lónið.

Og hvað segja þessar myndir okkur? Jú, fyrst þetta hefur gerst núna má gera ráð fyrir að lónið hafi fyllst áður og eigi eftir að gera það í framtíðinni. 

Nú er bara að bíða og vona að eldgosið hætti fyrir fullt og allt og við getum aftur notið þess að fara inn í Þórsmörk og Goðaland, gengið yfir Fimmvörðuháls og ekki síst frá Landmannalaugum og í Þórmörk. Fjöldi fólks hefur ekki hugmynd um hvernig eigi að byrja sumarið nema að fá að koma inn á þetta svæði. 

 

Fjórðungur íbúa farinn úr Vík

Athugasemdir

[Sigurður Haraldsson, 9.5.2010 kl. 01:03]

Þetta er ekki búið því fer fjarri! þarna eiga eftir að verða miklar náttúruhamfarir!

[Bragi Magnússon, 9.5.2010 kl. 07:40]

Eyda sumarfriinu i nautólfsvik