Airbus og Boeing tjá sig ekki um öskuna

Athyglisvert er að fylgjast með umræðum erlendis um flugbannið í Evrópu. Að sjálfsögðu hafa komið fram efasemdaraddir. Sumir segja er að engin ástæða sé að banna flug þó ryk sé í lofti, jafnvel þó það sé ættað úr eldfjalli.

Ekki hef ég þekkingu til að meta áhrif öskunnar á flugvélahreyfla, sérstaklega þotuhreyfla. Hef þó lesið fróðlegar greinar  um slíkt. Hins vegar finnst mér óskaplega undarlegt að tveir af helstu framleiðendur flugvéla í heiminum í dag, Boeing og Airbus, skuli ekki tjá sig.

Þögn flugvéla- og þotuhreyflaframleiðenda er afar sérkennileg svo ekki sé meira sagt. Ef bílaframleiðendur myndu þegja undir álíka kringumstæðum krefðust ríkisstjórnir allra vestrænna landa úrbóta.

 

Fimm vélar til Þrándheims

Athugasemdir

[Sumarliði Einar Daðason, 18.4.2010 kl. 13:04]

Þeir hafa verið að tjá sig mjög mikið um þetta og reyna að útskýra fyrir almenningi af hverju þetta á sér stað. Til að mynda á Skynews og CNN var á klukkutíma fresti sýnt með flughermum og viðtöl við alla bestu fræðinga á þessu sviði - sem var að útskýra hvað væri í gangi. Málið er að það bjóst enginn við því að þetta myndi gerast akkúrat núna!  ...þegar allir eru að reyna að spara með því að eyða ekki peningum í "óþarfa" öryggisbúnað. Þetta eldgos kennir öllum heiminum að tæknin og þægindin sem við þekkjum í dag eru ekki sjálfsögð og alls ekki sjálfsögð mannréttindi

[S i g u r ð u r S i g u r ð a r s o n, 18.4.2010 kl. 13:06]

Ekkert að sjá á heimasíðum þessara fyrirtækja. Hef greinilega misst af fulltrúum þeirra á Sky og CNN.