Goðaland er ekki Þórsmörk

Það er óhjákvæmilegt að leiðrétta þessa frétt. Foldir eru ekki í Þórsmörk og ekki heldur Básar. Báðir eru staðirnir í svokölluðu Goðalandi, sem er eitt af mörgum nafngreindum svæðum sunnan Krossár. Þórsmörk er hins vegar norðan Krossár.

Engir staðarhaldarar eru í Básum. Skálarnir þar eru í eigu Útivistar og þeir sem þar starfa eru jafnan nefndir skálaverðir. Hins vegar kunna að vera staðarhaldarar í skálunum í Húsadal og hugsanlega eru fólkið sem nefnt er í fréttinni þaðan.

Þetta er heimsviðburður

Athugasemdir

[Þórarinn Guðmundsson, 21.3.2010 kl. 17:13]

Held að Þórsmörk sé nefnd á nafn í fréttinni til þess að almenningur geti áttað sig á þessu, engu að síður gaman að fá smá fróðleik í kjölfar fréttar. :)

[S i g u r ð u r S i g u r ð a r s o n, 21.3.2010 kl. 17:34]

Sæll, Þórarinn,

Jú þetta er rétt hjá þér. Varla hægt að ætlast til þess að allir fréttamenn séu með staðhætti á hreinu. Hins vegar ættu landakort að vera flestum aðgengileg. Versta villan sem ég rakst á var þegar Gígjökull var nefndur Gígjujökull ...