Greinilegt sigurmark í landsleiknum

Greinilegt er af meðfylgjandi skjáskoti úr fótboltaleik Íslands og Finnlands í gærkvöldi að boltinn fór yfir línuna og þar af leiðandi í markið.

Boltinn hafði verið á marklínunni en Alfreð Finnbogason sparkar honum inn og á myndinni er boltinn nærri því komin í andlit finnska markmannsins og Alfreð stígur á línuna á þeim stað þar sem boltinn hafði áður verið.

Boltinn er því að minnsta kosti tveimur „boltum“ fyrir innan.

Á möl fyrir framan bílskúrshlera í Hlíðunum í gamla daga hefði þetta verið talið mark og engin mótmæli tekin gild - sérstaklega ekki þeirra sem fengu markið á sig. Betur get ég varla rökstutt þetta álit mitt.

Þetta sést allt ágætlega í frétt á mbl.is.

Já, og svo er það annað. Markmaðurinn var með aðra hönd ofan á boltanum þegar Alfreð sparkaði honum (boltanum) inn. Telst það brot?

 

 

Var þetta löglegt mark? (myndskeið)

Athugasemdir

[stebbi (IP-tala skráð) 7.10.2016 kl. 12:02]

Telst það ekki brot þegar varnarmaðurinn bakkar svona í Ragnar og beinlínis keyrir hann niður í aðdraganda marksins.  væri þetta bort úti á velli? 

[S i g u r ð u r S i g u r ð a r s o n, 7.10.2016 kl. 12:33]

Veit ekki, Stebbi. Kann nokkrar reglur í fóbolta en ekki hvort að hönd markmanns á bolta þýði varinn bolti eða hvort varnarmaður í bakkgír sé brotlegur þegar hann lendir á Ragnari.

Kraðak var þarna í markteignum og eflaust margar og ólíkar sögur og sumar skáldaðar af því sem þar gerðist.

[Anton Heimdal (IP-tala skráð) 7.10.2016 kl. 15:26]

Það var snilld að sjá strákana sína þennann svakalega karakter sem býr í þessu liði. En við vorum samt heppin að dómarinn dæmdi ekkert þegar við skoruðum sigurmarkið.

Samkvæmt reglunum ef að markmaður er með boltann má ekki sparka honum úr höndum hans. Þegar markmaður er með boltann er sagt: 

Ef hann heldur á honum með báðum höndum
Ef hann heldur á honum með annarri hendi
Ef hann er með hönd á bolta og boltinn á jörðinni
Ef hann kastar bolta uppí loft
Ef hann dripplar boltanum

Sjálfum finnst mér ekki allar þessar reglur réttar en þær eru það.

Þannig samkvæmt öllu þá var Alfreð brotlegur, enn segjum bara að Ragnar hafi skorað markið.

Áfram Ísland

[S i g u r ð u r S i g u r ð a r s o n, 7.10.2016 kl. 17:17]

Anton, held að þetta sé rétt hjá þér. Síðan ég skrifaði pistilinn hefur komið fram að aðstoðardómari dæmdi boltann inni áður en Alfreð sparkaði honum undan hendi markmannsins.