Lítur afar illa út fyrir Borgarahreyfinguna

Þeir sem sitja enn sem fastast í Borgarahreyfingunu gera sér án efa ekki grein fyrir því hversu illa þetta mál lítur allt út fyrir flokkinn. Þó maður sé allur að vilja gerður er ómögulegt að álita annað en að allt málið snúist um að láta Þráinn Bertelssen líta illa út í augum annarra. Það hefur ekki tekist og vopnin snúist aldeilis í höndum þessa fólks.

Þremenningarnir hafa látið hafa eftir sér að allt þetta muni nú hjaðna og líða hjá. Því miður er þetta einber óskhyggja. Meðan Þráinn er á þingi mun allt þetta mál einfaldlega vera mönnum í fersku minni.

Hins vegar er greinilegt að fjölmargir sómakærir menn hafa starfaði í Borgarahreyfingunni og þeir hafa nú hætt störfum og jafnvel hætt í flokknum. Ástæðan er einfaldlega sú að enginn vill tengja sig við þá sem stunda róg eða versla með atkvæði sín á þingi eins og þremenningarnir hafa gert sig seka um í aðdraganda ESB ályktunarinnar.

Nei, þetta mál hverfur ekki og verður til þess að þessu fólki verður eki framar treyst. 

Margrét situr sem fastast

Athugasemdir

[Páll A. Þorgeirsson, 15.8.2009 kl. 18:12]

Ég tek undir þessa grein þína og mér finnst óskaplega dapurlegt að fólk skuli hafa sóað atkvæðum sínum á svona lið.  Hvernig getur þetta blessað fólk tekið á vandamálum þjóðarinnar. 

[Snowman, 15.8.2009 kl. 18:19]

Um leið og hún (og fleiri) er komin með þingsæti, þá starfar hún fyrir sjálfan sig og ekki fyrir neina aðra.  Enda vonlaust fyrir konugreyið að finna aðra vinnu á Íslandi í kreppunni ef hún viki sæti.

[Johann Trast Palmason, 15.8.2009 kl. 18:39]

jaja rógburðurinn og herferð þráinns gegn þremenningunum heldur áfram hér á blogginu í þessari massa hysteriu