ASÍ hefur hingað til svamla í kjölvatni umræðunnar

Así skiptir engu máli. Samtökin hafa hvergi átt frumkvæði að einu eða neinu undanfarin ár. Gylfi Arnbjörnsson er Samfylkingarmaður og það kemur ekkert á óvart þó hann sé hamingjusamur yfir minnihlutastjórninni og fagni hátt.

Ég er félagi í VR og hef ekki nokkra trú á að Gylfi eða Así muni gera einhvern gæfumun fyrir mig eða aðra launþega. Hingað til hafa samtökin svamlað í kjölvatni samfélagslegrar umræðu og framlag þeirra hefur litlu skipt.

Hins vegar myndast margeykið í Así ákaflega vel á fundum með ríkisstjórn eða Samtökum atvinnulífsins, „lúkkar“ flott í dagblöðum og sjónvarpi. Forsetinn, varaforsetinn, varavaraforsetinn, framkvæmdastjórinn, varaframkvæmdastjórinn og hvaða titlar sem eru á þessu liði.

Niðurstaðan er þá sú að almenningur heldur að Así sé að gera eitthvað. Kannski er það nóg fyrir Gylfa Arnbjörnsson, forseta.

Reiðubúnir til samstarfs

Athugasemdir

[Þráinn Jökull Elísson, 1.2.2009 kl. 23:31]

Sigurður minn Sigurðsson. Þar sem þú ert félagi í VR ættir þú ekki að hafa trú á því að Gunnar Páll muni gera einhvern gæfumun fyrir þig og aðra launþega?

Hann, sjálfur hátekjumaðurinn-valinn af félagsmönnum -ætti ekki að vera í vandræðum með slíkt. Hann gæti byrjað á því að leggja hluta af ofurlaunum sínum inn á lífeyrissjóð VR.

[S i g u r ð u r S i g u r ð a r s o n, 1.2.2009 kl. 23:37]

Þráinn Jökull Elísson! Hvað kemur þessi formaður VR bloggfærslunni minni við? Þó ég sé í VR þarf ég að verja þennan mann?

[Gullvagninn (IP-tala skráð) 2.2.2009 kl. 11:11]

Já, hann lúkkar vel ASÍ fulltrúinn, með heiminn í hlekkjum í bakgrunni. 

Það væri gæfuspor fyrir verkafólk og aðra í launþegasamtökum að fara nú bara að kjósa fólk úr sínum eigin röðum, það þarf ekki "sérfræðinga" til að skilja þarfir okkar, bara fólk eins og okkur.   ....með öðrum orðum, ekki sérfræðinga á borð við ASÍ hlekkjamanninn, né hinn teflon húðaða VR formann.

[S i g u r ð u r S i g u r ð a r s o n, 2.2.2009 kl. 11:34]

Já, væri það ekki ráð.