Vinstri grænir í hernaðarbrölti

Um hertar aðgerðir alþjóðasamfélagsins gagnvart voðaverkum Sýrlandsstjórnar gegn þegnum sínum er lítill ágreiningur. Það eru helst Rússsar og Kínverjar sem halda uppi andófi rétt eins og þegar styðja þurfti uppreisnarmenn í Líbíu eða þegar innrásin var gerð í Írak. Þeir eru hagsmunaaðilar svo gripið sé til kunnuglegs frasa.

Vinstri grænir hafa verið óþreytandi í heilagri baráttu sinni gegn uppreisnum í einræðisríkjum. Þeir hafa krafist rannsóknar á meintum stuðningi Íslands við innrásina í Írak. Þeir stóðu engu að síður að stuðningi við loftárásir Nató í Líbíu. Greinilega er engra rannsókna þar þörf. Vinstri grænir styðja hernaðarbrölt þegar það hentar þeim en sérstaklega þegar þeir eru í ríkisstjórn.

Næst á dagskránni verður áreiðanlega að styðja beint eða óbeint uppreisnarmenn í Sýrlandi með vopnasendingum. Síðan koma loftárásir og loks innrás. Vinstri græni munu styðja þetta allt saman af því að þeir eru í ríkisstjórn. Þó kann sú staðreynd að breyta einhverju um afstöðu þessa hentistefnuflokks að kosningar eru á næsta ári. Haldreipi hans reynist kannski stefnuskráin þó hún sé nú rykfallin í neðstu skúffu til vinstri í skrifborði formannsins.

Styðja aðgerðir gegn Sýrlandi

Athugasemdir

[Ómar Gíslason, 17.7.2012 kl. 11:26]

Hernaðarbrölt VG er alveg ótrúlegt - hvað næst mun VG stofna her á Íslandi?

[Anna Sigríður Guðmundsdóttir, 17.7.2012 kl. 14:35]

Það má ekki gerast oftar, að NATÓ-hertökuliðið fái að ráðast á saklausa borgar heimsins.

Við sáum hvað NATÓ gerði miklar hörmungar í Lýbiu. Það var hrein hertaka NATÓ-heimstjórnvalda á Lýbíu.

NATÓ hefur endanlega afhjúpað sig sem hertöku-samtök, og eru gerð út af brjáluðum og fársjúkum valdafíklum heimsstjórnvalda.

M.b.kv.

[Starbuck, 17.7.2012 kl. 19:26]

„Um hertar aðgerðir alþjóðasamfélagsins gagnvart voðaverkum Sýrlandsstjórnar gegn þegnum sínum er lítill ágreiningur“

Hvaða voðaverk ertu að tala um?  Það sem er í gangi í Sýrlandi er að herinn er að berjast við vopnaða uppreisnarmenn sem vilja steypa lýðræðislega kjörnum stjórnvöldum (þingkosningar fóru fram í maí s.l.).  Í hvaða ríki myndi myndu ekki stjórnvöld beita hernum til að berjast við uppreisnarmenn sem ætla sér með öllum ráðum (m.a. hryðjuverkum) að ná völdum?

Hvað varðar meint voðaverk eins og fjöldamorð þá hafa fréttir af þeim verið mjög óljósar og í einhverjum tilfellum hefur komið í ljós að þær eru ýktar eða jafnvel uppspuni frá rótum.  Hafi fjöldamorð hins vegar átt sér stað þá er ólíklegt að stjórnin sé á bak við þau.  Spyrjum okkur: Hver græðir á fjöldamorðum á almennum borgurum?  Stjórnvöld vita það fullvel að þeir græða ekkert á því að myrða konur og börn en það eykur hins vegar verulega líkurnar á árásum frá NATO-ríkjum.  Uppreisnarmennirnir vilja hins vegar fá NATO – innrás og því og hafa því góða ástæðu til að fremja slík voðaverk, eða a.m.k. reyna að sannfæra NATO-lönd um að þau hafi átt sér stað.  Við skulum vera minnug um ósannindin um „gereyðingarvopn“ sem stöðugt ómuðu í vestrænum fjölmiðlum í aðdraganda innrásarinnar í Írak. 

Mér finnst með ólíkindum hvað margir trúa þeim áróðri sem gegnsýrir flestar fréttir frá Sýrlandi.  Svo er þetta að gerast á sama tíma og herinn hefur rænt völdum í Egyptalandi, leyst upp þingið og gert forsetann svo til valdalausan!  Elskendur lýðræðis og mannréttinda virðast algerlega sofandi fyrir því!

[Ásgrímur Hartmannsson, 17.7.2012 kl. 21:22]

Já... ég er á sömu línu og síðasti ræðumaður. Það er eitthvað innilega rangt við allar íslenskar fréttir af þessum viðburði.

Þetta eru greinilega alvöru bardagar - smá skærur, reyndar, ef marka má þær fréttir sem við þó höfum, milli tveggja augljóslega ámóta vel vopnaðra og kannski vel þjálfaðra hópa.

Svo er verið að týna til allskyns aukaatriði sem eru fullkomlega normal, eins og liðhlaup. Ég hef enn ekki séð að neitt óeðlilegt sé við það.

Sem fær mig til að velta fyrir mér hvað er á bakvið þetta allt?