Er askan meiri í Þórsmörk en Goðalandi

Mér finnst ótrúlegt að staðan í Þórsmörk sem svona mikið önnur en í Goðalandi, sunnan Krossár. Hef komið í Bása tvisvar eftir að gosi lauk og finnst gróðurinn eiga ágætlega uppdráttar þrátt fyrir ösku.

Askan er að vísum mikil á Krossáreyrum og eykst eftir því sem utar er komið. Þannig er gríðarlega mikil aska í Steinsholti Merkurrana og svo í kringum Gígjökul og þar utar.

Auðvitað er mikil aska víða á láglendi en varla meira en svona rúmur sentimetri í Básum. Hugsanlega hefur hvassviðrið hreift talsvert við öskunni þessum slóðum síðan ég var þarna fyrir um átta dögum.

Tvær efstu myndir eru teknar í Básum. Þriðja myndin er af Langadal, sú fjórða er af Merkurrana og loks sú fimmta af skiltinu sem vísar veginn í Húsadal.

 

 

 

 

 

 

 

 

 

Áfall að sjá ástand Þórsmerkur

Athugasemdir

[Sigurður Ingi Jónsson, 7.6.2010 kl. 14:04]

Sæll nafni, 

Ég kíkti þarna inneftir og tók nokkrar myndir. Það kom mér á óvart hversu stórt svæði var markað af öskufalli. Ég læt til gamans fylgja slóð á nokkrar myndir sem ég tók. Sjá öskumyndir.

[S i g u r ð u r S i g u r ð a r s o n, 7.6.2010 kl. 15:24]

Þetta eru góðar myndir hjá þér. Askan er langt norður í Emstrun. Sérkennilegir öskustrókar á myndinni þar sem sást í Hattafell.