Tólf gosstrókar á landinu ...

100605_gosoroi.jpgMælarnir sýna svo sem ekki neitt. Þetta er bara smá viðrekstur sem hugsanlega bendir til að engar alvarlegar innantökur séu í eldstöðinni sjálfri.

Jarðfræðingar eru hins vegar sparir á stóru orðin, segja hvorki af né á með framhaldið. Það er svosem skiljanlegt. Það væri meiri skelfingin ef einhver lýsti yfir goslokum og svo færi allt af stað aftur. Betra er að hafa vaðið fyrir neðan sig og segja ekki neitt en viðhafa gáfulegan svip, rétt eins og maður vissi nú meira en upp er gefið.

Ég veit ekkert nema að meðfylgjandi gosórárit frá Veðurstofunni, það er næstum því steindautt.

Og þó, mig dreymdi um daginn að ég sæi tólf gosstróka eða mekki upp úr landinu og sagði „Vá“ upp úr svefni og hef líklega meint það. 

Móðir mín heitin var sögð geta ráðið drauma. Hún hefði að venju sagt þennan vera fyrir enn einum snjóavetrinum. 


mbl.is Óróinn hélt áfram í morgun
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Sigurður Haraldsson

Sæll nafni það sem þig dreymdi er eitthvað sem er verið að reyna að segja okkur í tíma, því eins og ég hef oft skrifað um og bent á að þá eru að koma hamfarir af þeirri stærðargráðu sem við ráðum ekki við! Þær koma upp í og við Eyjafjallajökul og því ætti engin að vera þar á ferð hættan er svo mikil að það er með naumindum að hægt sé að sofa fyrir því, hvað er til ráða er hulin ráðgáta sennilega ekki hægt að gera annað en taka því sem að okkur er rétt en samt sem áður ætti að taka mark á því sem við sjáum eða skynjum einfaldlega út frá hættunni sem mönnum stafar beint af þeim sprungum sem munu opnast!

Sigurður Haraldsson, 5.6.2010 kl. 11:23

2 Smámynd: Gunnar Th. Gunnarsson

"Viðrekstur og innantökur"

Gunnar Th. Gunnarsson, 5.6.2010 kl. 16:17

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband