Verður nú ESB, Evra, álver, hvalveiði og annað gulltryggt?

Þetta er áreiðanlega mjög skynsamleg tillaga hjá Steinunni. Þessir tveir flokkar, VG og Samfylkingin, ættu nú að einhenda sér í að ræða um sameiginlega stefnu í hvalveiðimálum, álver í Helguvík og á Bakka, vatnsaflsvirkjanir, ESB mál og annað sem hingað til hefur nú sundrað þeim.

Niðurstaðan verður kjósendum til mikils gangs. Þeir vita þá það að atkvæði greitt öðrum hvorum flokknum gagnast báðum. Maður kýs krata og fær VG. Þetta er svona eins og tilboð, tveir ísar með súkkulaðidýfu á andvirði eins.

Þetta gagnast áreiðanlega öllum þeim hægri krötum sem héldu að Samfylkingin ætlaði að berjast fyrir ESB aðild og það lægi voða, voða mikið á því.

Þetta gagnast áreiðanlega þeim sem vonuðust eftir að verðtryggingin myndi falla niður við upptöku á Evru.

Þetta gagnast áreiðanlega Húsvíkingum sem og öðrum sem héldu að álver yrði byggt á bakka.

Samfylkingin gangi bundin til kosninga

Athugasemdir

[Jón Ólafur Vilhjálmsson, 4.3.2009 kl. 21:02]

Það virðist fátt sameina þessa flokka annað en hræðslan við að missa völdin.

En þeir missa þau ef þeir gera ekkert það  kýs enginn þann sem ekkert gerir nema þeir sem seigja það er betra að þeir geri ekkert þá gera þeir minni skaða, ef þeir ætla að loka á að fleiri stóriðjuver geti komið til landsins þá er ekki atvinna þar og ekki skattar af því fólki.