Þvert gegn heilbrigðri skynsemi

Pólitíkin er óútreiknanleg. Nefna má að í þjóðaratkvæðagreiðslu ákváðu Bretar að ganga úr Evrópusambandinu. Donald Trump var öllum að óvörum kjörinn forseti í Bandaríkjunum og nú virðist sem að ríkisstjórn fimm flokka verði sett á laggirnar á Íslandi.

Þrjú óvænt tilvik í stjórnmálum, þar af eitt þvert gegn heilbrigðri skynsemi. Lesandanum er hér með falið velja hvert þessara þriggja mál sem besta dæmið um hið síðastnefnda.

 

Viðræður ganga betur en síðast

Athugasemdir

[Elle_, 10.12.2016 kl. 22:37]

Sigurður, ég bjóst við sigri Trump og það voru margir sem bjuggust við sigri hans.  Kannski óvænt fyrir fjöldann þó, veit ekki.  Það 3ja væri hrollvekja frá mínum bæjardyrum, það væri ef 5 litlu byltingarflokkarnir verða ríkisstjórn á Íslandi.

[Ómar Ragnarsson, 10.12.2016 kl. 23:14]

Trump fékk ekki einu sinni meirihluta allra greiddra atkvæða og munurinn var mjög mjór í Brexit. 

Flokkarnir fimm hér heima fengu um 55% atkvæða gegn um 40% sem fráfarandi stjórnarflokkar fengu. 

Sérkennilegt ef það er það eina, sem er þvert gegn allri skynsemi af ofangreindum dæmum. 

[S i g u r ð u r S i g u r ð a r s o n, 10.12.2016 kl. 23:51]

Fimmflokkarnir fengu 53,8% atkvæða samanlagt. Aðrir fengu 46,2% atkvæða. Fimm flokka ríkisstjórn ... og tveir utan ríkisstjórnar. 

Ríkisstjórnarflokkarnir B og D fengu 46% atkvæða. Myndu Viðreisn og BF bætast við væri samanlagt kjörfylgi 64,4%. Svona má leika sér með tölur. Best væri þó að kjósa aftur.

Menn sögðu að unga fólkið í Bretlandi hafi kosið með veru í ESB. Staðreyndin er hins vegar sú að unga fólkið mætti ekki á kjörstað, aðeins um 35% fólks yngra en 25 ára kaus meðan aldursflokkarnir 35 og yfir mættu 78%. Þvert gegn heilbrigðri skynsemi að vilja vera í ESB en mæta ekki á kjörstað.

Um 42% kvenna kaus Trump í forsetakosningunum í Bandaríkjunum og "aðeins" 54% þeirra kusu Clinton. Og unga fólkið mætti illa á kjörstað. Ótrúlegt. Þvert gegn heilbrigðri skynsemi að kjósa ekki.

[Elle_, 11.12.2016 kl. 11:48]

Ómar hann vann samt, alveg sama hvað fólk segir þetta oft.  Það gilda electoral votes í Bandaríkjunum og það var hugsun á bak við það, eins og vægið í Bretlandi og Íslandi er ekki jafnt út um allt land, og líklega víðar.  Það var löglegur sigur í samræmi við úthugsað system. 

Þú hljómar oft pirraður yfir hinu mikla vantrausti sem margir hafa á byltingarflokkunum 5 að meðtöldum þeim sem næstum hvarf og var nánast ekki með neitt vægi neinsstaðar, en ég skammast mín ekki fyrir það mikla vantraust á þeim að ég kalli það hrollvekju að þeir fari allir saman í ríkisstjórn.