Katrín og Steingrímur eru ólík en sammála um skatthækkanir

Það hefur verið mjög góður andi í þessari vinnu, málefnaleg og góð skoðanaskipti. Í okkar hópi er ekkert uppnám af einu né neinu tagi. Og fjarri því að þar sé unnið með einhverjum hótunum. Þetta er það sem heitir á góðri íslensku rakalaus Moggalygi.

Þetta segir Steingrímur J. Sigfússon, fyrrum allsherjarmálaráðherra í vinstristjórninni 2009 til 2013, í viðtali við visir.is. Hann heldur þessu fram vegna fréttar Morgunblaðs dagsins um að Vinstri grænir áformi skattahækkanir verði af myndun fimmflokkaríkisstjórnarinnar (langt orð). 

Steingrímur gapir vel að vanda enda orðhákur mikill. Formaður Vinstri grænna, Katrín Jakobsdóttir, sagði hins vegar á Facebook: 

Þessar áherslur Vinstri grænna ættu ekki að koma neinum á óvart. Við lofum nefnilega ekki auknum útgjöldum í heilbrigðisþjónustu og skólamálum (sem allir segjast vilja) nema við teljum að við getum aflað tekna á móti og að þeirra tekna sé aflað með réttlátum hætti.

Eins og vant er þarfnast orð Katrínar túlkunar við. Lausnarorðin hjá Katrínu eru feitletruð. Sem sagt, Vinstri græn ætla ekki að afla tekna með óréttlátum hætti ...

Þá er það spurningin hversu langt nær réttlæti hennar yfir sjálfsaflafé almennings. Við fengum að kynnast því meðan Katrín var menntamálaráðherra í vinstri stjórninni sem kennd er við Steingrím og Jóhönnu.

Hún samþykkti skattlagningu á almenning á ráðherratíma sínum og líklega heldur hún því fram að allar skatthækkanirnar sem hún og Steingrímur stóðu að hafi verið réttlátar ...

Af þessum tveimur tilvitnuðu orðum Steingríms og Katrínar eru þau sammála um að hækka þurfi skatta. Þá stendur það út af borðinu hvað sé Moggalygi og hvað ekki eða þá ekkert.

Eflaust ríkir hinn mesti friður við borð formannanna sem eru að reyna að mynda ríkisstjórn. Kattasmölunin er ekki enn í umræðunni.

Katrín Jakobsdóttir talar flátt. Þegar hún segist ætla að afla tekna með réttlátum hætti á hún við skattahækkanir og þá er vissara að gæta að sér. 

Ætti ekki að koma á óvart

Athugasemdir

[Pétur D. (IP-tala skráð) 22.11.2016 kl. 20:28]

Og ekki bara það, heldur munu þessar auknu skatttekjur alls ekki fara til þeirra mála sem hún nefnir. "Katrín seg­ir á Face­book að til þess að geta ráðist í nauðsyn­leg­ar aðgerðir í heil­brigðismál­um, mennta­mál­um og til þess að leiðrétta kjör aldraðra og ör­yrkja þurfi rík­is­sjóður aukn­ar tekj­ur." Þetta er allt saman bull.

Þegar ógæfustjórn Jóhönnu Sig. og Steingríms geisaði fór ekkert af auknum álögum í þessa málaflokka nema etv. óþörfustu deild H.Í. og alls konar óþarfa meðan stjórnin kappkostaði að viðhalda kreppunni. Svo þegar sú ríkisstjórn hækkaði veiðigjaldið, þá var það eyrnamerkt fyrir óþarfa byggingu við Suðurgötu, ekkert af þeim milljörðum átti að fara í ofangreinda málaflokka.

Það er rétt hjá þér, Sigurður, að Katrín er jafn fláráð og Steingrímur, og hefur augsýnilega erft pólítísku fávizkuna af honum.

[Hakon Isaksson (IP-tala skráð) 22.11.2016 kl. 21:08]

Ef ég man rétt var Katrin Jakobsdóttir dugleg sem mentamálaráðherra og meðal annars tók þátt í því að tvöfalda skúffupeninga ráðherra og hækkaði innöngugjald í HI sem því nemur ekki sem verst  

[Pétur D. (IP-tala skráð) 22.11.2016 kl. 22:10]

Já, þetta pakk hugsar alltaf fyrst og fremst um sjálft sig.

[Þórhallur Pálsson, 23.11.2016 kl. 09:04]

 Áherslan verður eflaust að koma meira fé í umferð á Höf-svæðinu, með auknum álögum á þær atvinnugreinar sem mikilvægastar eru vítt og breitt um landið.

Það væri nú fínt, núna á þenslutímum, að gusa eins og 50-100 milljörðum í spítalasteinsteypu í miðbæ Reykjavíkur, ekki satt ?

Hálendisþjóðgarðsmálið ber að sama brunni:  Ef af verður bætist við enn ein ríkisstofnunin í 101 Rvk með tilheyrandi stjórnunarstöðum og góðu hreðjataki á þeim sem búa - og vilja búa - annars staðar en á litla tanganum milli Skerjafjarðar og Engeyarsunds.