Eldgos í Brennisteinsfjöllum ... eða ekki

Enga athygli vekur að í morgun, rétt fyrir klukkan átta var jarðskjálfti við Kleifarvatn upp á 3 stig. Það þykir nokkuð mikið á þessum slóðum. Svona stórir jarðskjálftar í Kötluöskjunni eða Bárðarbungu fá umsvifalaust stríðsfyrirsagnir á vefmiðlum.

Skjálftinn var tæpan einn km frá Systrastapa en hann er gengur út í vatnið vestanvert nálægt því miðju.f

Annað sem vekur athygli leikmannsins eru skjálftahrina hefur verið í nokkrar vikur suðaustan við Fagradalsfjall. Fjallið er um átta km norðaustan við Grindavík. 

Jarðfræði Reykjaness er dálítið skrýtin. Þar eru sprungur sem hafa norður-suður stefnu. Þetta eru svokallaðar sniðgengissprungur sem þýðir að verði hreyfing í þeim fara barmar þeirra í gagnstæðar áttir.

Sex eldstöðvakerfi eru á Reykjanesskaga og fullt af gjám og misgengjum. þetta eru Reykjanes, Eldvörp-Svartsengiu, Fagradalsfjall, Krýsuvík, Brennisteinsfjöll og loks Hengill.

Merkilegast er að á Reykjanesi verða varla stærri jarðskjálftar en sem sex stiga. Sú kenning er uppi og hefur líklega verið sönnuð að skjálfti í einu kerfi geti búið til spennu sem framkalli síðar skjálfta í næsta kerfi fyrir austan.

Leikmannsþankarnir eru á þá leiða að hugsanlega hafa skjálftarnir við Fagradalsfjall búið til mikla spennu sem olli svo stóra skjálftanum í Krýsuvíkurkerfinu í morgun. Spurningin er sú hvort að sá skjálfti hafi verið nógu stór til að losa úr allri spennu Fagradalskerfisins.

Hvað næst gerist veit enginn. Hugsanlega verður jarðskjálfti í Brennisteinsfjallakerfinu og þá er komið að „the scary moment“, staðreyndinni sem allir óttast. Sko, Brennisteinsfjallakerfið hefur lengi verið virkasta eldstöðvakerfið á Reykjanesi, mest hraun hafa runnið þaðan.

Nú er ég ekki að spá gosi á þessum slóðum nema þar verði gos á næstunni en verði það ekki er þetta bara leikmannstal ... Hef ekki hundsvit á jarðfræði.

Athugasemdir

[Anna Sigríður Guðmundsdóttir, 16.11.2016 kl. 00:49]

Sigurður. Athyglivert. Stundum finnst mér ég finna fyrir jarðskjálfta, en þá er það yfirleitt bara ímyndun, og sem betur fer. Ekki hef ég heldur hundsvit (sem er reyndar meira en mannsvit) á jarðfræði.

Blá Lónsins Grímur Sæmundsen, með alla sína ferðamálastofupeninga vill að sjálfsögðu ekki fjölmiðlaupplýsinga-raska sjálfvirka ríkissjóðs-peningaflæðinu til einkaframkvæmda úr ferðamálaskattpyngju ríkisins þrælagreiddu.

Allt hefur sínar (ó)-eðlilegu spillingarskýringar þegar kemur að klíkueigenda-þöggunarfjölmiðlun.

Hættuleg stefna fjölmiðla heimsins ætti raunverulega að vekja hjá fólki meiri ótta, heldur en hættulegar alheimsorkunnar jarðhræringar. Það væri alla vega rökrétt, miðað við heimsins innistæðulausa kauphallar-svikastefnu!

Það verður vonandi ekki enn ein Kauphallanna krísan, og vonandi ekki heldur Krísu-víkur-skjálfti á stórhættulegu stigi.

M.b.kv.