Gúrkan vekur athygli á Herjólfi

Ferjuskipið Herjólfur er farin að verða fyrsta frétt í sjónvarpi og hljóðvarpi. Vegurinn til Eyja er greinilega ekki góður þessa dagana.

Eitthvað myndu Siglfirðingar segja ef vegurinn myndi lokast langtímum saman. Enda er verið að koma bænum í vegasamband til suðurs. Þegar Oddskarð lokast er fátt um fína drætti fyrir þá á Neskaupstað.

Aldrei lokast höfuðborgarsvæðið enda búa þar margir af þeim sem finnst fátt um samgöngumál á landsbyggðinni og vilja mæla fjárframlög í samgöngumálum hins opinbera pr haus og miða við næsta þéttbýli. 

Eyjamenn hafa án efa hluttekningu allflestra landsmanna enda vitað mál að grundvöllur framþróunar eru góðar samgöngur. Ástæðan fyrir því að ferjuskipið Herjólfur fær svo mikla athygli í fjölmiðlum er einfaldlega sú hrikalega gúrkutíð sem nú hrjáir fjölmiðla.

Herjólfur til Þorlákshafnar

Athugasemdir

[Helgi Þór Gunnarsson, 8.9.2010 kl. 09:09]

Sæll Sigurður, sem Eyjamaður langar mig að þakka þér fyrir hlý orð í garð okkar Eyjamanna, mér sýnist þú vera mjög réttsýnn maður, og skilur að það eiga allir rétt að góðum samgöngum.

kær kveðja frá Eyjum. 

[Sigurður Haraldsson, 8.9.2010 kl. 09:23]

Sælir hvers vegna datt þeim í hug að byggja bryggju á sandi hvað lá að baki?

[Sigurður Haraldsson, 8.9.2010 kl. 09:25]

Er reyndar með eina lausn til að geta notað þessa að stöðu sem komin er upp í Landeyjahöfn mætti notast við svifnökkva

[Helgi Þór Gunnarsson, 8.9.2010 kl. 11:07]

Sæll aftur Sigurður, ég hef nú haft kenningu um ástæðuna fyrir þessari framkvæmd, ég tek það fram að ég vildi skoða til fullnustu hvort hægt væri að grafa göng, ég var á móti Bakkafjöruhöfn, en ákvað að vera bjartsýn á Bakkafjöruhöfn úr því að þeir tóku völdin af okkur. Já ég er þess vegna viss um að auðvaldið á Íslandi, eða þeir sem eiga skipafélögin hafi alla tíð viljað höfn á suðurströndinni. Þessi kenning mín fékk byr undir báða vængi þegar ríkið sópaði öllu út af borðinu í sambandi við göng, og svo líka þegar stjórnarmaður í Björgunafélagi Vestmannaeyja sagið mér frá því er þeir fóru á björgunarbátnum Þór með sérfræðinga að sunnan til að mæla dýpi og taka sýni í Bakkafjöru, þá var líka alltaf farið austur í Vík og tekin sýni og mælt dýpi, þetta segir manni að "þeir" hafa viljað höfn hvar sem er á suðurströndinni, og auðvita er upplagt að nota samgöngur til Eyja sem tilraunarverkefni á því, ég hef alltaf verið viss um að "þeir" munu komast að því að hafnargarðarnir eru of stuttir, og þurfa að lengja þá út fyrir sandrifið, og hvað þá, jú komin aðstaða fyrir stórskip.

Þetta með loftpúðaskip, þá var gerð tilraun 1967 eða 68 og kom það ekki nógu vel út.

Kær kveðja frá Eyjum.